सोलापूर दि.7 (जिमाका): केंद्र शासनाने सन 2015 मध्ये स्टँड अप इंडिया ही योजना घोषित केली आहे. या योजनेमध्ये 1.25 लाख अनुसूचित जाती/जमातीचे उद्योजक आणि 1.25 लाख महिला उद्योजिका निर्माण करण्याचे उदिदष्ठ केंद्र शासनाने ठरविलेले आहे. देशातील 27 सरकारी बँकांच्या 1.25 लाख शाखांच्या अनुसूचित जाती/जमातीचे उद्योजक आणि 1.25 लाख महिला उद्योजिका निर्माण करण्याची जबाबदारी प्रत्येक बँकेच्या शाखेवर सोपविण्यात आली आहे.
या योजनेसाठी प्रस्ताव सादर करणेकरीता मार्गदर्शक सूचना व तपासणी सुची सामाजिक न्याय व विशेष सहाय्य विभाग शासन निर्णय दि. 8 मार्च 2019, शासन निर्णय दि. 9 डिसेंबर 2020 व शासन शुध्दीपत्रक दिनांक 26 मार्च 2021 अन्वये निर्गमित करण्यात आलेल्या आहेत. सदरील शासन निर्णय शासनाच्या www.maharashtra.gov.in या संकेतस्ळावर निरीक्षणासाठी उपलब्ध आहेत.या योजनेचा लाभ घेण्यासाठी लाभार्थ्याने विहीत विवरणपत्र अर्ज सादर करणे आवश्यक आहे.
सन 2021-22 मध्ये मार्जिन मनी योजनेचा लाभ घेण्यासाठी अनुसूचित जाती व नवबौध्द समाजाच्या घटकांतील जास्तीत जास्त इच्छुक पात्र लाभार्थ्याने शासन निर्णयात नमूद करण्यात आलेल्या अटी व शर्तींची पुर्तता करुन विहित नमून्यातील परिपुर्ण प्रस्ताव सहायक आयुक्त, समाज कल्याण, सोलापूर यांच्या कार्यालयाकडे दाखल करावेत, असे आवाहन समाज कल्याणचे सहाय्यक आयुक्त कैलास आढे यांनी केले आहे
