पंढरपूर : काँग्रेसचे राष्ट्रीय अध्यक्ष मल्लिकार्जुन खर्गे आणि त्यांच्या कुटुंबाला जीवे मारण्याची धमकी देणाऱ्या कर्नाटक मधील चित्तापूर येथील भाजपचे उमेदवार मणिकांत राठोड यांच्याविरुद्ध पंढरपुर तालुका पोलिस स्टेशन येथे महाराष्ट्र प्रदेश काँग्रेसचे अध्यक्ष नाना पटोले यांनी गुन्हा दाखल केला. त्यांच्यावर कड़क कायदेशीर कारवाई करण्याची मागणी केली.
काँग्रेस प्रदेशाध्यक्ष पटोले हे सोलापूर जिल्हा दौऱ्यावर आहेत त्यांच्या उपस्थितीत पंढरपूर मध्ये काँग्रेस प्रमुख पदाधिकारी व कार्यकर्त्यांच्या बैठकीचे आयोजन करण्यात आले. या बैठकीसाठी ते पंढरपूर मध्ये होते त्यानंतर त्यांनी पंढरपूर पोलीस ठाण्यात जाऊन हा गुन्हा दाखल केला.
यावेळी जिल्हा अध्यक्ष धवलसिंह मोहिते पाटील, काँग्रेसचे शहर अध्यक्ष चेतन नरोटे यांच्यासह नगरसेवक हाजी तौफ़ीक हत्तूरे, आरिफ शेख, विनोद भोसले, महिला अध्यक्ष हेमा चिंचोळकर, ब्लॉक अध्यक्ष देवा गायकवाड़, प्रदेश चिटणीस नरसिंह आसादे, मध्य युवक काँग्रेस अध्यक्ष वाहिद बिजापुरे, प्रदेश प्रतिनिधी सुशील बंदपट्टे, जेष्ठ नेते शकील मौलवी, परिवहन सदस्य तिरुपती परकीपंडला, उपाध्यक्ष दीनानाथ शेळके, इलियास शेख, अप्पासाहेब सलगर, कुणाल गायकवाड़, सुभाष वाघमारे, शाहु सलगर, यांच्यासह शहर जिल्ह्यातील इतर पदाधिकारी उपस्थित होते.
