नरेंद्र मोदी यांच्या स्वप्नातील विकसित राष्ट्रासाठी आमदार सातपुते यांना विजयी करा ; किसन जाधव यांनी वाचला विकासाचा पाढा
सोलापूर:-सोलापूर लोकसभा मतदारसंघातील भाजपा आणि महायुतीचे उमेदवार आमदार राम सातपुते यांच्या प्रचारार्थ बुधवारी पूर्व भागातील वालचंद कॉलेज परिसरातील स्वर्गीय लिंगराज वल्याळ क्रीडांगण येथे उत्तर प्रदेशचे मुख्यमंत्री योगी आदित्यनाथ यांची जाहीर सभेचे आयोजन करण्यात आले होते.
याप्रसंगी महायुतीचे घटक पक्ष असणाऱ्या अजित पवार राष्ट्रवादी पक्षाचे पदाधिकारी यांना व्यासपीठावर संधी मिळाली. यामध्ये शहराध्यक्ष संतोष पवार, राष्ट्रवादी प्रदेश उपाध्यक्ष तथा सोलापूर जिल्हा नियोजन समिती विशेष निमंत्रित सदस्य किसन जाधव यांचा समावेश होता.
यावेळी किसन जाधव यांनी सभेला संबोधित करताना म्हणाले, सोलापूरच्या सर्वांगीण विकासासाठी पंतप्रधान नरेंद्र मोदी यांचे मोठे योगदान आहे. नरेंद्र मोदी यांना तिसऱ्यांना पंतप्रधान करण्यासाठी भाजपा आणि महायुतीचे उमेदवार राम सातपुते यांना पंतप्रधान नरेंद्र मोदी यांच्या स्वप्नातील विकसित राष्ट्रासाठी तसेच सोलापूरच्या विकासासाठी विजयी करा असे आवाहन केले.
