राम सातपुते मुनिश्री श्री सकलकीर्ति महाराजांच्या दर्शनाला ; विजयाचे घेतले आशीर्वाद
सोलापूर लोकसभा मतदारसंघातील अक्कलकोट येथील जैन समाजाच्या श्रीमद्देवाधिदेव १००८ श्री मुनिसुव्रत तीर्थंकर पंचकल्याण प्रतिष्ठा महामहोत्सवाला महायुतीचे उमेदवार राम सातपुते यांनी उपस्थित राहून जैन बांधवाना शुभेच्छा दिल्या.
यावेळी जैन समाजाचे गुरु प.पु. मुनिश्री श्री सकलकीर्ति महाराजांचे दर्शन घेत आशीर्वाद घेतले. या दरम्यान जैन समाजाच्या वतीने उमेदवार राम सातपुते यांचा सन्मान करण्यात आला. श्री सकलकीर्ति महाराजांनी देशाचे पंतप्रधान नरेंद्र मोदी यांना पुन्हा पंतप्रधानपदी पाहण्याची ईच्छा व्यक्त केली व सातपुते यांना लोकसभा विजयासाठी शुभेच्छा दिल्या.
याप्रसंगी आमदार सचिन कल्याणशेट्टी, जिल्हा सरचिटणीस मनीष देशमुख तसेच जैन समाजबांधव आणि पदाधिकारी कार्यकर्ते उपस्थित होते.
