विधानसभा अध्यक्षांनी बुधवारी दिलेला निकाल अतिशय कायदेशीर आहे. अध्यक्षांनी मुख्यमंत्री एकनाथ शिंदे यांच्या अध्यक्षतेखालची जी शिवसेना। आहे तिलाच मूळ पक्ष म्हणून मान्यता दिलेली आहे, आणि त्याला वैध ठरवले आहे. त्यामुळे पहिल्या दिवसापासूनच आमचे सरकार स्थिर आहे. याबाबत आता कोणाच्या मनात काही शंका असल्याचे कारण नाही, हेच सरकार कार्यकाळ पूर्ण करणार आहे.
एकनाथ शिंदे हेच मुख्यमंत्री राहणार आहेत. मुख्यमंत्री एकनाथ शिंदे यांच्या नेतृत्त्वात हे सरकार मजबुत आणि भक्कम आहे, असे आम्ही प्रारंभीपासूनच सांगत होतो. त्यामुळेच सर्वोच्च न्यायालयाने सुद्धा आपल्या आदेशात हे सरकार बरखास्त करण्याचा कुठलाही आदेश देण्याची गरज नाही, असे स्पष्ट केले होते.
