सुधीर खरटमल राष्ट्रवादी शरद पवार गटाचे सोलापूर अध्यक्ष ; तौफिक शेख व पद्माकर काळे कार्याध्यक्ष ; महेश कोठे गटाचे वर्चस्व
सोलापूर राष्ट्रवादी काँग्रेस शरद पवार गटाचे शहराध्यक्ष भारत जाधव यांनी राजीनामा दिल्यानंतर त्यांच्या जागेवर माजी उपमहापौर पद्माकर नाना काळे यांची वर्णी लागेल अशी चर्चा ऐकण्यास मिळाली. परंतु या निवडींमध्ये महेश कोठे यांचे वर्चस्व राहिले असून काँग्रेस मधून राष्ट्रवादीमध्ये आलेले सुधीर खरटमल यांना शहराध्यक्ष करण्यात आले आहे तर सोलापूर कार्याध्यक्ष म्हणून तोफिक शेख आणि पद्माकर काळे यांना संधी देण्यात आली आहे.
माजी शहराध्यक्ष भारत जाधव यांना प्रदेश वर उपाध्यक्ष म्हणून बढती देण्यात आली आहे. माजी महापौर यु एन बेरिया यांना शहराच्या प्रवक्ते पदावर नियुक्ती झाली आहे तर माजी महापौर नलिनी चंदेले यांची प्रदेश महिला उपाध्यक्ष पदावर नियुक्ती देण्यात आली आहे.
प्रदेशाध्यक्ष आमदार जयंत पाटील हे सोलापूर जिल्ह्यातील टेंभुर्णी दौऱ्यावर आले असता त्या ठिकाणी या निवडीचे पत्र सर्वांना देण्यात आले. सर्व नूतन पदाधिकाऱ्यांना प्रदेशाध्यक्ष जयंत पाटील यांनी शुभेच्छा देताना शरद पवारांच्या विचारांचा राष्ट्रवादी काँग्रेस सोलापूर शहरात रुजवून पक्ष संघटना मजबूत करण्याचे आवाहन केले.
