Breaking : विजयकुमार देशमुख, सुभाष देशमुख, सचिन कल्याणशेट्टी यांना भाजपची उमेदवारी जाहीर
सोलापूर : विधानसभा निवडणुकीसाठी भारतीय जनता पार्टीने आपल्या 99 उमेदवारांची अधिकृत यादी जाहीर केली. त्यामध्ये अपेक्षेप्रमाणे सोलापूर शहर उत्तर या मतदारसंघातून विद्यमान आमदार विजयकुमार देशमुख सोलापूर दक्षिण विधानसभा मतदारसंघातून विद्यमान आमदार सुभाष देशमुख आणि अक्कलकोट विधानसभा मतदारसंघातून विद्यमान आमदार सचिन कल्याणशेट्टी या तिघांना उमेदवारी जाहीर झाली आहे.
विशेष करून विजयकुमार देशमुख आणि सुभाष देशमुख यांच्या विरोधात भारतीय जनता पार्टीतीलच कार्यकर्त्यांनी बंडखोरी करण्याची तयारी दर्शवली होती. त्यांच्या उमेदवारीला प्रचंड विरोध करण्यात आला होता. अनेक जण त्यांच्या विरोधात इच्छुक झाले होते. पक्षाकडे मागणीही करण्यात आली होती तसेच त्यांच्या तक्रारीही करण्यात आल्या होत्या. परंतु भारतीय जनता पार्टीने पुन्हा या तीनही विद्यमान आमदारांवर विश्वास दाखवून त्यांना उमेदवारी दिली आहे. त्यामुळे इच्छुक आणि बंडखोरीच्या तयारीत असलेले कार्यकर्ते आता कोणता निर्णय घेतात याकडे सोलापूरच्या नजरा लागल्या आहेत. तसेच राहिलेले पंढरपूर मंगळवेढा बार्शी माळशिरस या ठिकाणी कोणाला उमेदवारी मिळणार याकडे सर्वांच्या नजरा लागल्या आहेत.
