दक्षिणच्या ‘ युवराज’चा ग्रामीण भागात झंझावात ; पोहचू लागले गावोगावी अन् घरोघरी
सोलापूर : दक्षिण सोलापूर विधानसभा मतदारसंघातील दक्षिण परिवर्तन विकास आघाडीचे उमेदवार युवराज राठोड यांना प्रतिसाद मिळताना पाहायला मिळत आहे.
दक्षिण सोलापुरात आजी-माजी आमदारांच्या भंडारकवठे, बाळगी, तेळगाव, सादेपूर, लवंगी, बाळकोटा या गावात राठोड यांनी पदयात्रा काढली. या गावात जनतेने उमेदवार युवराज भैय्या राठोड यांचे जंगी स्वागत तर केलेच पण प्रत्येक ठिकाणी माता-भगिनींनी औक्षण करून विजयाच्या शुभेच्छा दिल्या.
युवराज भैय्याला बंजारा समाजाने तर या तालुक्यात पाठिंबा दिलाच आहे त्याचबरोबर आता मुस्लिम, साळी, माळी, मागासवर्गीय, लिंगायत, धनगर या सर्व समाजातून त्यांच्या नावाची चर्चा होऊ लागली आहे. दक्षिण विधानसभा मतदारसंघात जितके अपक्ष उमेदवार थांबले आहेत. त्यामध्ये युवराज राठोड यांनी प्रचारामध्ये आघाडी घेतल्याचे पाहायला मिळते त्यांचे चिन्ह बॅटरी आता पोम्प्लेटच्या माध्यमातून घरोघरी जात असताना पाहायला मिळते.
