सोलापूर : जिल्हा परिषद कर्मचारी युनियन च्या वतीने तयार करण्यात आलेल्या जिल्हा परिषदेचे ॲक्ट एकाच क्लिकवर या डिजिटल लायब्ररीचे उद्घाटन मुख्य कार्यकारी अधिकारी मनीषा आव्हाळे यांच्या हस्ते शुक्रवारी सकाळी करण्यात आले.
यावेळी मुख्य वित्त व लेखा अधिकारी मीनाक्षी वाकडे, उपमुख्य कार्यकारी अधिकारी इशाधीन शेळकंदे, उपमुख्य कार्यकारी अधिकारी स्मिता पाटील, शिक्षणाधिकारी प्रसाद मिरकले, जिल्हा पशुसंवर्धन अधिकारी नवनाथ नरळे, जिल्हा परिषद कर्मचारी युनियनचे सरचिटणीस विवेक लिंगराज, डॉ एस पी माने, श्रीशैल देशमुख यांच्यासह कर्मचारी युनियनचे पदाधिकारी सदस्य मोठ्या संख्येने उपस्थित होते.
प्रारंभी लिंगराज यांनी वेबसाईटची अधिक माहिती देताना जिल्हा परिषदेचे 28 ॲक्ट एकाच क्लिक वर पाहायला मिळतील. कर्मचाऱ्यांना याचा निश्चित फायदा होईल अशी अपेक्षा व्यक्त केली.
वेबसाईट उद्घाटन नंतर सीईओ आव्हाळे यांनी आय “एम व्हेरी हॅप्पी, आय एम प्राऊड ” या शब्दात त्यांनी आनंद व्यक्त करताना जिल्हा परिषद कर्मचारी युनियनचे कौतुक केले, कर्मचाऱ्यांना जो पर्यंत ॲक्टची माहिती होत नाही तोपर्यंत कामाची आवड निर्माण होत नाही.
