.. तर सोलापुरात एकही राष्ट्रवादीचा कार्यकर्ता महायुतीचे काम करणार नाही
देशात होऊ घातलेल्या लोकसभा निवडणुकीच्या पाश्र्वभूमीवर राज्याचे उपमुख्यमंत्री तसेच राष्ट्रवादीचे राष्ट्रीय अध्यक्ष अजित पवार, प्रदेशाध्यक्ष सुनील तटकरे यांनी राष्ट्रवादीचे जिल्हा समन्वयक आमदार यशवंत माने यांच्या प्रमुख उपस्थितीत तसेच शहर जिल्हाध्यक्ष संतोष पवार, कार्याध्यक्ष जुबेर बागवान, माजी आमदार रविकांत पाटील, प्रदेश उपाध्यक्ष किसन जाधव, राष्ट्रवादीचे नेते आनंद चंदनशिवे यांची महत्त्वाची बैठक देवगिरी बंगला मुंबई येथे पार पडली.
राष्ट्रवादी काँग्रेस सोलापूर शहरच्या प्रमुख पदाधिकाऱ्यांच्या बैठकीत अजित पवार आणि प्रदेशाध्यक्ष तटकरे यांनी मार्गदर्शन करताना महायुतीचा प्रचार करायच्या सुचना दिल्या असल्या तरीही जो पर्यंत इंदापूर भाजपचे हर्षवर्धन पाटील हे आपली भुमिका स्पष्ट करीत नाहीत आणि पुरंदर शिवसेनेचे विजय शिवदारे आपली भुमिका बदलत नाहीत तोपर्यंत राष्ट्रवादीचा कोणताच कार्यकर्ता हा महायुतीच्या उमेदवाराचे काम करणारच नाही.
महायुतीतील राष्ट्रवादी काँग्रेस पक्षाच्या वतीने बारामती लोकसभेला सुनेत्रा पवार उमेदवार असून दादांच्या प्रतिष्ठेची ही निवडणूक आहे असे असताना
महायुतीतील घटक पक्षातील काही नेते विरोधी भुमिका मांडत आहेत.
अजित पवार हे आमचे शक्तीस्थळ आहे श्रद्धास्थान असून आमच्या शक्तीस्थळावर कोणी घाला घालण्याचा दगाफटका करण्याचा प्रयत्न करत असेल तर राष्ट्रवादी काँग्रेस पार्टी सोलापूर शहर हे कदापि सहन करणार नाही महायुती आहे तर महायुतीतील घटक पक्षाच्या नेतृत्वाने आपआपल्या पक्षातील नेत्यांना सुचना करून बारामती लोकसभा मतदारसंघ मोकळा करावा.
शिवसेनेचे विजय शिवतारे आणि भाजप चे हर्षवर्धन पाटील असतील यांना आवर घालून समज द्यावी महायुतीतील युतीचा धर्म पाळण्यास भाग पाडावे
तरच राष्ट्रवादीचा कार्यकर्ता महायुतीचे काम करेल अन्यथा आम्हाला वेगळा विचार करावा लागेल असा इशारा राष्ट्रवादीचे जिल्हाध्यक्ष संतोष पवार यांनी दिला