श्री आप्पाजी महास्वामींकडून राम सातपुते यांना लोकसभा विजयाच्या शुभेच्छा ; नववर्षाची केली अशी सुरुवात
सोलापूर लोकसभा मतदारसंघातील भारतीय जनता पार्टी माहितीचे उमेदवार राम सातपुते यांनी पाडवा नववर्षाची सुरुवात आपल्या निवासस्थानी पत्नी संस्कृती यांच्या सोबत गुढी उभारून केली. यावेळी सोलापूर विकासाचा संकल्प करताना सर्वांना पाडव्याच्या शुभेच्छा दिल्या.
यानंतर त्यांनी सकाळी श्री सद्गुरु बसवारुढ महास्वामी यांच्या मठाला भेट देत हिंदू नववर्षांची सुरुवात केली. यादरम्यान आप्पाजी स्वामी महाराजांचे दर्शन घेत शुभाशीर्वाद घेतले. यावेळी आप्पाजी स्वामी महाराजांनी स्वागत करत लोकसभा विजयासाठी शुभेच्छा दिल्या.
आप्पाजी महाराजांच्या आशीर्वादाने हिंदू नववर्षाची सुरुवात प्रसन्न वातावरणाने आणि नव्या ऊर्जेने करत नववर्षानिमित्त सोलापूरच्या विकासासाठी अधिक जोमाने काम करण्याचा संकल्प केला.
याप्रसंगी भाजप शहराध्यक्ष नरेंद्र काळे, जिल्हा सरचिटणीस मनीष देशमुख, शिवपुत्र महास्वामी, ॲड. योगेश कूरे, बालाजी द्यावरकोंडा तसेच मोठ्या संख्येने भाविक व कार्यकर्ते उपस्थित होते.
