अमर पाटलांना दक्षिण मध्ये उमेदवारी ; काँग्रेसच्या दिलीप माने यांची ही फेसबुक पोस्ट
सोलापूर : विधानसभा निवडणुकीच्या पार्श्वभूमीवर बुधवारचा दिवस मोठ्या राजकीय घडामोडीचा घडला उद्धव बाळासाहेब ठाकरे शिवसेनेच्या उमेदवारांची पहिली यादी जाहीर झाली या यादीमध्ये दक्षिण सोलापूर विधानसभा हा मतदारसंघ शिवसेनेच्या अमर पाटील यांना गेला त्यामुळे काँग्रेसच्या इच्छुकांना मोठा धक्का बसला आहे.
परंतु हा मतदारसंघ काँग्रेसचाच आहे आणि काँग्रेसचाच राहणार त्यासाठी शेवटपर्यंत काँग्रेस प्रयत्न करत असल्याचे समजले. दक्षिण मधून तयारी करत असलेल्या धर्मराज काडादी यांनाही मोठा धक्का बसला आहे. या मतदारसंघात दावेदार मानले जाणारे माजी आमदार दिलीप माने यांनी आपल्या फेसबुक खात्यावर एक पोस्ट व्हायरल केली आहे. ती सध्या चर्चेचा विषय ठरत आहे.
दिलीप माने यांनी या पोस्टमध्ये काय लिहिले आहे पहा….
माझा काँग्रेस पक्ष, त्याचे नेतृत्व आणि काँग्रेसच्या विचारधारेवर संपूर्ण विश्वास आहे. आपल्या काँग्रेसचा पारंपारिक सोलापूर दक्षिण विधानसभा मतदारसंघ काँग्रेसलाच मिळणार आहे आणि तो आपणच लढवणार आहोत..!
आपल्याला आजवर मिळालेला जनतेचा पाठिंबा आणि विश्वास कायम ठेवत, आपण आहे त्यापेक्षा जास्त जोमाने आपला प्रचार सुरूच ठेवूया..!
चला, परिवर्तन घडवूया..!
