“जो मै बोलता हु, वो मै करता हूं” अनेकांना मोठी पदे मिळवून देणाऱ्या राजकीय चाणक्याचे दादा ‘कल्याण’करणार का?
सोलापूर : सोलापूरच्या राजकारणात एक नाव कायम सर्वांच्याच लक्षात राहील ते म्हणजे सोलापूर जिल्ह्याच्या राजकारणातील चाणक्य म्हणून ओळख असणारे सोलापूर कृषी उत्पन्न बाजार समितीचे नूतन संचालक सुरेश हसापुरे यांचे.
राजकारणामध्ये अशी अनेक महत्त्वाची पद आहेत जे बऱ्याच नेत्यांना अजूनही मिळवता आलेली नाहीत. परंतु जेव्हा हेच जर सुरेश हसापुरे यांनी मनावर घेतले तर ते साध्य होते ही काळया दगडावरची रेघ आहे. असे अनेक उदाहरणं सांगता येतील.
यामध्ये श्रीशैल नरोळे यांना जिल्हा परिषदेमध्ये सभापती, माजी मंत्री सिध्दाराम म्हेत्रे यांना जिल्हा बँकेचे संचालक, संजय मामा शिंदे यांना जि.प. अध्यक्ष, विजयराज डोंगरे यांना जि.प. सभापती, आ. विजयकुमार देशमुख यांना बाजार समिती सभापती, समाधान आवताडे यांना पोटनिवडणुकीत आमदार करण्यात हसापुरे यांनी महत्त्वाची भूमिका बजावली आहे.
सुरेश हसापुरे यांना बऱ्याच वेळा मोठ्या पदाने हुलकावणी दिली आहे. परंतु ते कधीही खचून गेलेले नाहीत. तेवढ्याच दमाने ते पुन्हा उभे राहतात. सहकार क्षेत्रात त्यांचा मोठा दबदबा आहे त्यामुळेच अनेक नेते त्यांचे मार्गदर्शन घेतात.
सरकार क्षेत्रातील जिल्हा मध्यवर्ती बँक असो कृषी उत्पन्न बाजार समितीची निवडणूक असो की दूध संघाची
हसापुरे यांना सोबत घेतल्याशिवाय त्या निवडणुकीत कोणालाही यश मिळत नाही हे नुकतेच झालेल्या सोलापूर कृषी उत्पन्न बाजार समितीच्या आणि दोन वर्षापूर्वी झालेल्या सोलापूर जिल्हा दूध संघाच्या निवडणुकीत दिसून आले आहे.
दक्षिण सोलापूर तालुक्याचे माजी सभापती शिवलिंग आण्णा दुधनी, माजी मंत्री आनंदराव देवकते, आमदार रणजितसिंह मोहिते पाटील, माजी उपमुख्यमंत्री विजयसिंह मोहिते पाटील, माजी केंद्रीय मंत्री सुशीलकुमार शिंदे, खासदार प्रणिती शिंदे, आमदार सचिन कल्याणशेट्टी यांनी राजकारणात आणि समाजकारणात मोठी मदत केली. त्यांच्या मार्गदर्शनामुळेच आज मी इथपर्यंत पोहोचलो असल्याचे सुरेश हसापुरे मोठ्या मनाने सांगतात.
बाजार समितीची निवडणूक झाली सभापती म्हणून सुरेश हसापुरे यांचे नाव समोर आले परंतु दिलीप माने यांच्या गळ्यात सभापतीची माळ पडली. मुख्यमंत्री देवेंद्र फडणवीस आमदार सचिन कल्याण शेट्टी यांच्या नेतृत्वाखाली सध्या हसापुरे यांचे राजकीय वाटचाल सुरू असून दोन वर्षानंतर सुरेश हसापुरे यांना सभापती करण्याचा शब्द खुद्द मुख्यमंत्र्यांकडून देण्यात आल्याचे ऐकण्यास मिळाले. त्यामुळे लेबर फेडरेशन ची निवडणूक असो…सर्व पक्षीय लोकांबरोबर चांगले सबंध असून आतापर्यंत त्यांनी डीसीसी बॅंकेच्या मार्फत अनेक शेतकऱ्यांचे हरित क्रांती स्वप्न पूर्ण केले आहे. गेल्या विधानसभा व लोकसभेची निवडणूक व्यवस्थित हॅण्डल करून मार्केट कमिटीचे मैदान त्यांनी दिलीप मालक आणि सचिनदादा यांना सोबत घेऊन एक हाती जिंकली आहे. अशा या चाणक्यचे नशीब खुलणार का? याकडेही संपूर्ण सोलापूर जिल्ह्याचे लक्ष आहे.
