आमदार प्रणिती शिंदेंची पावसात भिजत प्रभू श्रीकृष्णाची पूजा ; जुळे सोलापूर भागात प्रतिसाद
गुढीपाडवा हिंदू नववर्षाची सुरुवात या साडेतीन मुहूर्तापैकी एक असलेल्या मुहूर्तावर काँग्रेसच्या उमेदवार आमदार प्रणिती शिंदे, डॉ. पृथ्वीराज माने यांच्या हस्ते पडत्या पावसात प्रभू श्रीकृष्णाची पूजा करण्यात आली.
दक्षिणचे माजी आमदार दिलीप माने, त्यांचे चिरंजीव पृथ्वीराज माने यांच्या उपस्थितीत उमेदवार प्रणिती शिंदे यांनी शिवशाही, हत्तुरे वस्ती, राघवेंद्र नगर, कल्याण नगर, म्हाडा कॉलनी, जुळे सोलापूर, कुमठेकर हॉस्पिटल, गोविंदश्री मंगल कार्यालय, आदित्य नगर, माशाळ वस्ती अशा वेगवेगळ्या ठिकाणी बैठका घेतल्या, या बैठकांना प्रणिती शिंदे यांना नागरिकांचा चांगला प्रतिसाद दिसून आला.
गोविंदश्री मंगल कार्यालय जवळ इस्कॉन तर्फे आयोजित प्रभू श्रीकृष्णाची पूजा करण्यात आली. यावेळी वरून राजाने उपस्थिती लावली या पावसातच ही पूजा संपन्न झाली.
प्रणिती शिंदे म्हणाल्या, प्रभू श्रीकृष्णाने कायमच अन्यायी लोकांविरोधात लढा दिलेला होता.”कर्मण्येवाधिकारस्ते मा फलेषू कदाचन ” अशी शिकवण श्रीकृष्णाने दिलेली आहे. कर्मवादावर विश्वास ठेवा व त्यानुसार काम करा या श्रीकृष्णने दिलेल्या शिकवणी नुसारच आपले काम असल्याचे त्या म्हणाल्या.
