सोलापूर मध्यच्या आमदार प्रणिती शिंदे यांचा वाढदिवस सोलापूर शहरासह यंदा ग्रामीण भागात ही मोठ्या उत्साहात साजरा करण्यात आला.
उत्तर सोलापूर तालुक्यातील तिरे गावांमध्ये भारत जाधव यांच्या नेतृत्वाखाली कार्यकर्त्यांनी विविध सामाजिक उपक्रमांचे आयोजन केले होते. महिलांना साडी वाटपाचा कार्यक्रम पार पडला. या कार्यक्रमाच्या अध्यक्षस्थानी सोलापूर शहर काँग्रेसचे अध्यक्ष चेतन नरोटे होते.
कार्यक्रमास प्रमुख पाहुणे म्हणून दक्षिण सोलापूर तालुक्याचे नेते सुरेश हसापुरे यांची उपस्थिती होती. या दोन्ही नेत्यांच्या हस्ते साडी वाटपाचा कार्यक्रम पार पडला.
याप्रसंगी उत्तर सोलापूर तालुका काँग्रेस कमिटीचे अध्यक्ष शालिवाहन माने यांचीही उपस्थिती होती. त्याचबरोबर या कार्यक्रमाला सचिन गुंड, आप्पाशा आयवळे, दौलत शिंदे, संदीप सुरवसे, यशवंत कवडे, विजयसिंह जाधव, प्रताप सिंह जाधव, यासह कवठे, डोणगाव, हिरज तिर्हे तांडा येथील महिला बहुसंख्येने उपस्थित होत्या.