महेश कोठेंच्या वाढदिवसाला लागले चार चाँद ; प्रणिती शिंदे यांनी निवासस्थानी जाऊन दिल्या शुभेच्छा
राष्ट्रवादी काँग्रेसचे नेते माजी महापौर महेश कोठे यांच्या वाढदिवसा निमित्त त्यांच्या निवासस्थानी आमदार प्रणिती शिंदे, काँग्रेसचे शहर अध्यक्ष चेतन नरोटे यांनी सत्कार करून शुभेच्छा दिल्या.
यावेळी राष्ट्रवादीचे नेते भारत जाधव, माजी नगरसेवक विनोद भोसले, तिरुपती परकीपंडला, रवी गड्डम, आदी उपस्थित होते.
पूर्वाश्रमीचे काँग्रेस नेते महेश कोठे यांनी 2014 साली काँग्रेस सोडून शिवसेनेत गेल्यानंतर सलग दोन विधानसभा निवडणुका या शहर मध्य या मतदारसंघातून प्रणिती शिंदे यांच्या विरोधात लढवल्या आहेत, एकमेकांचे विरोधक राहिलेले हे नेते आता महाविकास आघाडी मध्ये आहेत. त्यामुळे कोठे यांच्या वाढदिवसाला उमेदवार प्रणिती शिंदे यांनी स्वतः उपस्थिती लावून शुभेच्छा दिल्याने या वाढदिवसाला चार चाँद लागले असेच म्हणावे लागेल.
