युवराज राठोड यांना मिळाली बॅटरी ; दक्षिणमध्ये परिवर्तन घडवणार
सोलापूर : दक्षिण सोलापूर विधानसभा मतदारसंघात आता चांगलीच रंगत पाहायला मिळणार आहे. दक्षिण सोलापूर विकास परिवर्तन आघाडी चे उमेदवार युवराज राठोड यांना बॅटरी हे चिन्ह मिळाले आहे.
दक्षिण सोलापूर विधानसभा मतदारसंघातील अपक्षां मधून एकच उमेदवार देण्यासाठी युवराज राठोड यांनी प्रयत्न केले. त्या प्रयत्नांना यश आले. परिवर्तन विकास आघाडीच्या झालेल्या बैठकीनंतर अनेक अपक्षांनी आपला उमेदवारी अर्ज मागे घेत परिवर्तन आघाडीचे निमंत्रक उमेदवार युवराज राठोड यांना पाठिंबा दिला आहे.
उमेदवारी अर्ज मागे घेण्याच्या दिवशी अण्णाप्पा सत्तूबर, सचिन सोनटक्के, मीनाक्षी टेळे, श्रीशैल हत्तुरे, महावीर चोपडे यांनी आपले उमेदवारी अर्ज मागे घेतले.
चिन्ह वाटपात युवराज राठोड यांना बॅटरी हे चिन्ह मिळाले आहे. माध्यमांशी बोलताना दक्षिण सोलापूर तालुक्यातील ओबीसी घटकांच्या न्याय हक्कासाठी आपली लढाई आहे, ओबीसी समाजासोबतच आंबेडकरी जनता ही आपल्या पाठीशी असल्याचे सांगत निश्चित आपण दक्षिण मध्ये परिवर्तन घडवणार असा दावा केला.
