सोलापूर जिल्हा परिषदेत आता या कार्यालयांची ‘अदलाबदली’ ; अर्थ विभाग जाणार आता तिकडे
सोलापूर : जिल्हा परिषदेच्या मुख्य कार्यकारी अधिकारी मनीषा आव्हाळे या रुजू झाल्यानंतर मुख्यालयात अनेक बदल केले. मुख्य कार्यकारी अधिकारी पदाचे कार्यालय त्यांनी समोर असलेल्या अर्थ विभागात शिफ्ट केले. त्यामुळे संपूर्ण अर्थ विभाग पहिल्या मजल्यावरील सभापतींच्या चेंबरमध्ये कामकाज करीत आहे आता या गोष्टीला चार महिने झाले आहेत.
पूर्वी अर्थ विभाग मुख्य कार्यकारी अधिकारी यांच्या जुन्या चेंबरमध्ये शिफ्ट होईल अशी चर्चा होती परंतु आता सीईओ आव्हाळे यांनी नवीन निर्णय घेतला असून जिल्हा परिषदेचे कृषी विभागाचे कार्यालय त्या ठिकाणी आहे.
त्या मोठ्या जागेत आता अर्थ विभागाचे संपूर्ण कार्यालय शिफ्ट होणार आहे आणि कृषी कार्यालय हे पूर्वीच्या मुख्य कार्यकारी अधिकाऱ्यांच्या चेंबरमध्ये शिफ्ट होणार आहे. त्यासाठी या दोन्ही कार्यालयाचे रिन्युवेशन सुरू करण्यात आले आहे. सुरुवातीला कृषी विभागासाठी मुख्य कार्यकारी अधिकारी यांच्या कार्यालयात दुरुस्तीचे काम सुरू करण्यात आले असून ते पूर्ण झाल्यानंतर कृषी विभाग या या ठिकाणी शिफ्ट होईल आणि कृषी विभागात अर्थ विभागाचे कामकाज होईल.
