सोलापुरात या सुलेमानने पोलिसाची धरली गच्ची अन् अंगठा चावला
सोलापूर शहरात पोलीस रात्रीच्या सुमारास गस्त करीत असताना एका ठिकाणी संशयित रित्या तीन तरुण आढळले. पोलिसांनी त्यांना विचारले असता उलट पोलिसांना धक्काबुक्की करीत गच्ची धरली आणि त्यांच्या अंगठ्याचा चावा घेतल्याचा प्रकार घडला आहे.
२७/०५/२०२५ रोजी ०५.०० वा चे दरम्यान नवी पेठ येथील सलगर कॉम्पलेक्स मध्ये ही घटना घडली.
पोलीस हवालदार चुंगे नेम फौजदार चावडी पोलीस स्टेशन यांनी दिलेल्या फिर्यादीवरून सुलेमान रफिक शेख वय-३५ वर्षे हर्षल अमोल हजारे वय-२२ वर्षे व अविनाश नवनाथ शिंदे सर्व सोलापूर यांच्यावर फौजदार चावडी पोलिस ठाण्यात गुन्हा दाखल करण्यात आला आहे.
फिर्यादी व डीबी चे पथक हे रात्र गस्त करीत असताना यातील आरोपीत मजकूर हे सलगर कॉम्पलेक्स येथील चौथ्या मजल्यावरील इरा स्पाचे दुकानात नमुद आरोपीत मजकूर यांनी फिर्यादी व पोकॉ/१८३८/पुजारी यांना धक्काबुक्की करून शिवीगाळ केली तसेच आरोपी १ यांने फिर्यादीचे शर्टाला धरून ओढले व बटन तोडून तसेच फिर्यादीचे डावे हाताचे अंगठयाजवळ चावा घेवून सरकारी कामात अडथळा निर्माण केला आहे
