सोलापुरात राष्ट्रवादीने फोडली महायुती सरकारच्या काळ्या कारनाम्याची दहीहंडी
सोलापूर शहर राष्ट्रवादी काँग्रेस पार्टी शरदचंद्र पवार पक्षाच्या वतीने मंगळवारी सात रस्ता चौकामध्ये राज्यातील महायुती सरकारचे काळे कारनामे भांडाफोड करण्यासाठी दहीहंडीचा कार्यक्रम आयोजित करण्यात आला होता.
सात रस्ता चौकात पक्षाच्या कार्यकर्त्यांनी महायुती सरकारच्या काळे कारनाम्यांची दहीहंडी फोडून निषेध नोंदवला. यावेळी राज्यातील महायुती सरकारचे काळे कारनामेचे पत्रक आणि काळे फुगे वाटण्यात आले.
शहराध्यक्ष सुधीर खरटमल, मनोहर सपाटे, प्रदेश उपाध्यक्ष प्रमोद गायकवाड, यू एन बेरीया, जनार्दन कारमपुरी, प्रशांत बाबर, सर्फराज शेख, चंद्रकांत पवार, मिलिंद गोरे, अजित बनसोडे, सनी म्हेत्रे, शक्ती कटकदौंड, अक्षय जाधव, महिला अध्यक्षा सुनिता रोटे, रेखा सपाटे, वंदना भिसे, सिया मुलाणी, कविता कोडवाल, गौरा कोरे यांच्यासह कार्यकर्ते मोठ्या संख्येने उपस्थित होते.
प्रमोद गायकवाड व प्रशांत बाबर म्हणाले, राज्यात महायुती सरकार आल्यापासून भ्रष्टाचार, बेरोजगार, महागाई वाढली असून हे सर्व जनतेसमोर आणण्यासाठी पक्षाच्या वतीने महायुतीचे काळे कारनामे हे पेपर छापले आहेत ते जनतेला आम्ही देत आहोत, येणाऱ्या विधानसभा निवडणुकीत अशा भ्रष्टाचारी युतीच्या सोबत राहू नये असे आवाहन करण्यात आले आहे.
