प्रभाग चार मध्ये भाजप समोर राष्ट्रवादीचे तगडे आव्हान ; ‘सुशील’च्या मदतीला दादा
सोलापूर : सोलापूर महानगरपालिकेच्या निवडणुकीत आंबेडकरी मतदान असलेल्या अनेक प्रभागात यंदा काटे की टक्कर होत आहे. प्रभाग क्रमांक चार मध्ये मागच्या निवडणुकीत भारतीय जनता पार्टीचे पॅनल निवडून आले होते पण आता भाजप समोर अजित पवारांच्या राष्ट्रवादीने तगडे आव्हान उभे केले आहे.
या निवडणुकीत राष्ट्रवादी काँग्रेस अजित पवार गट आणि शिवसेना एकनाथ शिंदे गटाची युती झाली आहे त्यामुळे सेना आणि राष्ट्रवादीची ताकत वाढल्याचे पाहायला मिळते.
प्रभाग क्रमांक चार मध्ये राष्ट्रवादी पक्षाला उच्चशिक्षित असा सी. ए. सुशील बंदपट्टे हा उमेदवार मिळाला असून त्यांच्या सोबतीला माजी गटनेते तथा अजित पवार राष्ट्रवादी काँग्रेसचे प्रदेश उपाध्यक्ष आनंद चंदनशिवे यांच्या पत्नी कविता चंदनशिवे, सारिका फुटाणे, विश्वनाथ बिडवे हे उमेदवार आहेत.
सर्व समावेशक उमेदवार दिल्याने राष्ट्रवादी काँग्रेसचे हे पॅनल तगडे मानले जात आहे. भाजपने दिलेल्या उमेदवारांवरील प्रचंड नाराजी तसेच नगरसेवक असताना केलेले कारनामे हे जनतेला चांगलेच माहित आहे जर त्यांनाच पुन्हा निवडून न देता यंदा परिवर्तन करण्याचा निर्णय जनतेने घेतला असल्याची चर्चा आहे.
