सोलापुरात डॉ पतंगराव कदम यांना पुण्यतिथीनिमित्त संकुलात अभिवादन
भारती विद्यापीठ अभिमत विश्वविद्यालयाचे संस्थापक कुलपती तथा महाराष्ट्र राज्याचे माजी मंत्री डॉ. पतंगराव कदम यांच्या पुण्यतिथीनिमित्त,भारती विद्यापीठ, सोलापूर शैक्षणिक संकुलाच्या वतीने आदरांजली वाहण्यात आली. कार्यक्रमाच्या सुरुवातीला महाविद्यालयाचे संचालक प्रा. डॉ. एस.बी. सावंत यांनी माननीय साहेबांच्या प्रतिमेचे पूजन केले आणि सर्व शाखाप्रमुख पुष्पांजली अर्पण केली.
कार्यक्रमादरम्यान अभिजीत कदम इन्स्टिट्यूट ऑफ मॅनेजमेंट अँड सोशल सायन्सेसचे प्रा. डॉ. राहुल मांजरे तसेच भारती विद्यापीठ माध्यमिक महाविद्यालयाचे प्रा. श्री. रणजीत सावंत यांनी साहेबांच्या आठवणींना उजाळा दिला. तसेच सर्वांनी अर्जुन वृक्षाचे दर्शन घेतले. याप्रसंगी इन्स्टिट्यूटचे संचालक प्रा. डॉ. एस. बी. सावंत, एम.एस.डब्ल्यू प्रभारी संचालक प्रा. डॉ. कीर्तीराज, प्राचार्य श्री.एस.के. मांडके, प्राचार्या सौ. गोळे, प्राचार्या सौ.मोहोळे, भारती बँकेचे व्यवस्थापक हत्याळीकर आणि सर्व शाखातील कर्मचारी वर्ग उपस्थित होता.
