बोरामणीत नागरिकांच्या चेहऱ्यावर दिसले ‘समाधान’ ; प्रशासनाच्या शिबिरास ग्रामस्थांचा उत्स्फूर्त प्रतिसाद
सर्वसामान्य नागरिकांची महसूल विभागाशी संबंधित कामे तातडीने मार्गी लावण्याच्या उद्देशाने आज आपल्या बोरामणी येथे छत्रपती शिवाजी महाराज महाराजस्व समाधान योजना शिबिर घेऊन नागरिकांशी संवाद साधत त्यांच्या अनेक समस्या मार्गी लावल्या तसेच जिल्हा परिषद सदस्य नेताजी खंडागळे यांच्या हस्ते विविध दाखल्यांचे देखील वाटप यावेळी करण्यात आले.
जनतेला सुशासनाचा अनुभव यावा तसेच प्रशासन व लोकांमधील अंतर कमी व्हावे या हेतूने महायुती सरकारच्या महसूल विभागामार्फत हे अभियान राज्यभर प्रभाविरित्या राबवले जात आहे.
या शिबिरामध्ये 7/12 उतारे, फेरफार नोंदी, शेतजमिनीच्या नोंदी, जात प्रमाणपत्र, रहिवासी प्रमाणपत्र, उत्पन्न प्रमाणपत्र , संजय गांधी, श्रावण बाळ मंजुरी आदेश, रेशन कार्ड नोंदी, निवडणूकविषयक नोंदी, आरोग्य तपासणी, भूमी अभिलेख विभागाचे प्रॉपर्टी कार्ड, कृषि विभागाच्या वतीने फवारणी पंप, सुधारित सोयाबीन बियाणे वाटप, जिवंत सातबारा मोहिमेतील लाभार्थी यांना सातबारा वाटप, पी एम किसान समस्येचे निराकरण, ॲग्री स्टॅक अंतर्गत फॉर्मर आय डी आदी कामे नागरिकांच्या सोयीसाठी तत्काळ निकाली काढण्यात आली.
यावेळी जिल्हा परिषद सदस्य नेताजी खंडागळे, तहसीलदार किरण जमदाडे, पं. स. सदस्य विजय राठोड, सोमनाथ पटणे, माजी पंचायत समिती सदस्य धनेश अचलारे, बोरामणीच्या सरपंच अरुणा साळुंखे, सिद्धाराम हेले, अनिता मळगे, महेश पाटील, नाना भोसले, विविध शासकीय विभागाचे अधिकारी यांच्यासह ग्रामस्थ मोठ्या संख्येने उपस्थित होते.
