सोलापुरात एमआयएमला मोठा धक्का ; मोहसिन मैंदर्गीकर काँग्रेसचे अल्पसंख्यांक युवक अध्यक्ष
सोलापूर : सोलापुरात एम आय एम या पक्षाला मोठा धक्का बसला असून त्यांच्या पक्षातील माजी युवकाध्यक्ष मोहसिन मैंदर्गीकर यांनी पतंगला सोडून काँग्रेस च्या हाताला साथ देत काँग्रेसमध्ये प्रवेश केला.
माजी केंद्रीय गृहमंत्री सुशीलकुमार शिंदे, खासदार प्रणिती शिंदे यांच्या उपस्थितीत मैंदर्गकर यांनी काँग्रेस पक्षात प्रवेश केला असून पक्षांनी त्यांना लगेच अल्पसंख्यांक युवक अध्यक्ष पदाची लॉटरी लागली आहे.
ज्येष्ठ नेते सुशीलकुमार शिंदे शहराचे अध्यक्ष चेतन नरोटे अल्पसंख्यांक शहराध्यक्ष जुबेर कुरेशी यांच्या उपस्थितीत मोहसीन मैंदर्गीकर यांना पत्र देण्यात आले.
मोहसीन मैंदर्गीकर हे पुन्हा स्वगृही परतल्याने काँग्रेस पक्षामधून स्वागत करण्यात आले. आगामी महानगरपालिका निवडणुकीत सोलापूर शहरात काँग्रेस पक्षाला मजबूत करण्याची ग्वाही मैंदर्गीकर यांनी दिली.
काँग्रेस पक्ष सोडल्यानंतर मैंदर्गीकर यांनी एमआयएम मध्ये प्रवेश केला होता त्यावेळी त्यांच्यावर युवक अध्यक्ष पदाची जबाबदारी देण्यात आली. दरम्यान 2024 च्या विधानसभा निवडणुकीत शहर उत्तर या मतदारसंघातून मैंदर्गीकर यांनी निवडणूक लढवली होती. मुस्लिम समाजातील युवकांची मोठी फळी मोहसीन यांच्या पाठीशी असल्याने काँग्रेसला निश्चितच त्याचा फायदा होणार आहे.
