जिल्हाधिकारी कुमार आशीर्वाद यांच्या हस्ते मानाच्या कसबा गणपतीची महापूजा
सोलापूर : बाळीवेस परिसरातील सर्वात मोठे मंडळ असलेल्या श्रीमंत श्री मानाच्या कसबा गणपतीची महापूजा सोलापूरचे जिल्हाधिकारी कुमार आशीर्वाद यांच्या हस्ते करण्यात आली.
तत्पूर्वी दक्षिण विधानसभा मतदारसंघाचे आमदार सुभाष देशमुख यांच्या हस्ते मानाच्या कसबा गणपतीची पूजा संपन्न झाली.
जिल्हाधिकारी कुमार आशीर्वाद यांच्यासोबत मार्डी गावचे माजी सरपंच अविनाश मार्तंडे, हगलूर गावचे माजी सरपंच श्रीरंग मगर यांनाही पूजेचा मान मिळाला. यानंतर जिल्हाधिकारी आशीर्वाद, अविनाश मार्तंडे यांचा मंडळाच्या वतीने उत्सव अध्यक्ष गुरुशांत मोकाशी यांच्या हस्ते सत्कार करण्यात आला.
दरम्यान मंडळाच्या वतीने सादर करण्यात आलेला संत मीराबाई हालता देखाव्याचा आनंद जिल्हाधिकाऱ्यांनी घेतला.
यावेळी ट्रस्टी अध्यक्ष सोमनाथ भोगडे, केदार मेंगाणे बिपिन धूम्मा, रामचंद्र जोशी, आनंद मुस्तारे, शिवानंद कोळकूर, संजय दर्गोपाटील, जगदीश हिरेहब्बू,
उत्सव उपाध्यक्ष जितेंद्र लाड, शिवालिंग माळगे, गिरी भोगडे, जीवन जोशी, संदीप जोशी, प्रमोद मोकाशी, नागनाथ मेंगाणे यांच्यासह मंडळाचे पदाधिकारी सदस्य मोठ्या संख्येने उपस्थित होते.
