शिवसेना शहरप्रमुख मनोज शेजवाळ व युवा जिल्हाप्रमुख उमेश गायकवाड पक्षातून निलंबित
सोलापूर : मुख्यमंत्री एकनाथ शिंदे गटाच्या शिवसेनेने सोलापुरात मोठी कारवाई केली असून शहर प्रमुख मनोज शेजवळ आणि युवा जिल्हाप्रमुख उमेश गायकवाड यांना तडकाफडकी निलंबित करण्यात आले आहे.
शहर प्रमुख मनोज शेजवळ यांनी पक्षाच्या विरोधी जात शहर मध्य या मतदारसंघात मार्क्सवादी कम्युनिस्ट पक्षाचे नेते उमेदवार आडम मास्तर यांना पाठिंबा दिला आहे. तसेच त्यांनी शहर उत्तर या मतदारसंघात शरदचंद्र पवार राष्ट्रवादी काँग्रेसचे उमेदवार महेश कोठे यांना आपला पाठिंबा दिला आहे.
त्याचबरोबर शिवसेनेचे युवा जिल्हाप्रमुख उमेश गायकवाड यांनी या विधानसभा निवडणुकीत बंडखोरी करत दक्षिण सोलापूर विधानसभा मतदारसंघातून अपक्ष निवडणूक लढवत आहेत. एकूणच पक्षाच्या विरोधात जाणाऱ्या या दोन्ही नेत्यांना पक्षाचे महाराष्ट्र सचिव संजय मोरे यांनी निलंबित केले आहे असे पत्र काढण्यात आले आहे.
