अजितदादांनी खऱ्या अर्थाने मला न्याय दिला ; सोलापूरच्या किसन जाधव जिल्हा नियोजन समितीवर
राज्याचे उपमुख्यमंत्री अजित पवार गटाचे राष्ट्रवादी काँग्रेस पार्टीचे प्रदेश उपाध्यक्ष तथा सोलापूर महानगरपालिकेचे माजी गटनेते किसन जाधव यांची सोलापूर जिल्हा नियोजन समितीवर विशेष निमंत्रित सदस्य म्हणून राज्याचे उपमुख्यमंत्री अजित पवार आणि राष्ट्रवादी काँग्रेस पार्टीचे प्रदेशाध्यक्ष तथा खासदार सुनील तटकरे यांच्या शिफारशीनुसार ही नियुक्ती झाली आहे.
दरम्यान राज्याचे उपमुख्यमंत्री अजित पवार यांनी पुणे शिक्षण मंडळ वार्षिक सर्वसाधारण सभेच्या प्रसंगी किसन जाधव यांना जिल्हा नियोजन समितीच्या विशेष निमंत्रित सदस्य म्हणून नियुक्तीचे पत्र त्यांना सुपूर्द केले. यावेळी राष्ट्रवादीचे युवा नेते पार्थ पवार यांची विशेष उपस्थिती होती.राज्याचे उपसचिव नि.भा. खेडकर यांनी त्यांना नियुक्तीचे पत्र दिले. याप्रसंगी राष्ट्रवादीचे ज्येष्ठ नेते हेमंत चौधरी व माणिक कांबळे उपस्थित होते.
3 फेब्रुवारी 2024 रोजी सोलापूर शहर जिल्हा राष्ट्रवादी काँग्रेस पार्टीच्या कार्यालयाच्या उद्घाटन आणि मेळाव्याच्या निमित्ताने अजित पवार हे सोलापूर दौऱ्यावर येत आहेत त्यानिमित्त या दौऱ्याचे नियोजन आमदार बबनराव शिंदे, आमदार यशवंत माने, आमदार संजय शिंदे, माजी आमदार राजन पाटील, जिल्हाध्यक्ष तथा माजी आमदार दीपक साळुंखे यांच्या मार्गदर्शनानुसार या दौऱ्याचे नीटनेटके नियोजन शहर अध्यक्ष संतोष पवार आणि किसन जाधव यांनी करावी. येणाऱ्या काळात पक्ष बळकटीसाठी आपण कार्य करावे अशा सूचना देखील यावेळी उपमुख्यमंत्री अजित पवार यांनी किसन जाधव यांना केल्या.
सोलापूर जिल्हा नियोजन समितीच्या विशेष निमंत्रित सदस्य म्हणून मला काम करण्याची संधी उपमुख्यमंत्री अजित पवार आणि प्रदेशाध्यक्ष सुनील तटकरे यांनी या माध्यमातून माझ्यावर मोठी जबाबदारी सोपवली आहे आज खऱ्या अर्थाने मला न्याय मिळाला शहराच्या सर्वांगीण विकासासाठी आपण एक दिलाने काम करू अशी ग्वाही यावेळी किसन जाधव यांनी दिली. निवडीबद्दल किसन जाधव यांचे सर्व स्तरातून कौतुक व शुभेच्छांचा वर्षाव होत आहे.
