सोलापूर शहरातील सर्व दुकानांची वेळ वाढवून द्यावा अशी मागणी राष्ट्रवादी युवक शहराध्यक्ष जुबेर बागवान यांनी केली.
सोलापूर शहर राष्ट्रवादी काँग्रेसचे युवक अध्यक्ष जुबेर बागवान यांनी बुधवारी मुंबई येथील मंत्रालयात सोलापूर जिल्ह्याचे पालकमंत्री दत्तामामा भरणे यांची भेट घेतली. यावेळी त्यांना निवेदन दिले,
सोलापूर शहरात कोरोना संसर्गाची रुग्ण संख्या खूप कमी प्रमाणात आहे दिवसाला केवळ आठ ते दहा रुग्ण आहेत असे असताना सोलापूर शहर हे कोरोना निर्बंधच्या दुसऱ्या टप्प्यात बसते आणि राज्य शासनाने सोलापूर महापालिका आयुक्तांना स्वतंत्र प्रशासकीय युनिट म्हणून मंजुरी दिली आहे. त्याप्रमाणे महापालिका आयुक्त शहराची परिस्थिती पाहून निर्णय घेऊ शकतात
मात्र शहरातील व्यापार दुपारी चार वाजेपर्यंत सुरू ठेवण्याची परवानगी आहे तसे पाहिले तर बरेच व्यापार हे सायंकाळी 4 नंतर चालतात त्यामुळे शहरातील दुकानांची वेळ किमान सात वाजेपर्यंत करावी अशी मागणी जुबेर बागवान यांनी आपल्या निवेदनात पालकमंत्री दत्तामामा भरणे यांच्याकडे केली आहे यांचे निवेदन घेतल्यानंतर पालकमंत्र्यांनी त्यांना सकारात्मक प्रतिसाद दिला याबाबत लवकरच निर्णय घेतला जाईल असेही त्यांनी सांगितले.
