सोलापूर : सोलापूर जिल्हा परिषदेच्या मुख्य लेखा वित्त अधिकारी पदी पहिल्यांदाच महिला अधिकाऱ्यांची नियुक्ती झाली असून मीनाक्षी वाकडे यांनी बुधवारी पदभार स्वीकारला. रत्नागिरी जिल्हा परिषदेच्या मुख्या लेखा व वित्त अधिकारी पदी प्रमोशन बदली झालेले उत्तम सर्वे यांनी त्यांना पदभार दिला.
शुक्रवारी नव्या कॅफे मीनाक्षी वाकडे यांचे स्वागत तर रत्नागिरीचे कॅफो उत्तम सुर्वे यांचा निरोप समारंभ संपन्न झाला. यावेळी मुख्य कार्यकारी अधिकारी मनीषा आव्हाळे, अतिरिक्त मुख्य कार्यकारी अधिकारी संदीप कोहिनकर, उपमुख्य कार्यकारी अधिकारी स्मिता पाटील, उपमुख्य कार्यकारी अधिकारी इशाधीन शेळकांदे यांच्यासह अर्थ विभागातील सर्व अधिकारी कर्मचारी मोठ्या संख्येने उपस्थित होते. आमदार संजय मामा शिंदे यांचे स्विय सहाय्यक संजय आंबोले यांनी सुर्वे यांचा विशेष सत्कार केला.
यावेळी उत्तम सुर्वे म्हणाले, जिल्हा परिषदेमध्ये काम करणे आव्हानात्मक होते परंतु तत्कालीन लेखा वित्त अधिकारी महेश आवताडे आणि अजयसिंह पवार यांच्या मार्गदर्शनाखाली अतिशय चांगल्या पद्धतीने काम करायला मिळाले. शिक्षकांचे फंड, वेतन आणि पेन्शन हे विषय असल्याने ते लवकरात लवकर शिक्षकांना कसे मिळतील याकडे आपण आजपर्यंत लक्ष दिल्याचे सांगितले. मागील चार महिन्यात मुख्य लेखा वित्त अधिकारी पदाचा पदभार मिळाला, तत्कालीन सीईओ दिलीप स्वामी, अतिरिक्त सीईओ कोहिनकर तसेच मॅडम आपल्या मार्गदर्शनाखाली कामकाज केल्याचा चांगला अनुभव मिळाला.
सीईओ आव्हाळे म्हणाल्या, एका महिना सुर्वे यांच्यासोबत काम करता आले मी नवीन असल्याने त्यांनी बऱ्याच बाबी मला समजावून सांगितल्या त्यामुळे अकाउंट मधील बरेच शिकता आले. कामातील शिस्त अशीच त्यांनी पुढेही कायम ठेवावी अशी अपेक्षा व्यक्त केली.
