बुधवारी मुंबई येथे सुदीप चाकोते यांची सेवादल यंग ब्रिगेडच्या प्रदेशाध्यक्ष पदी निवड झाल्याबद्दल नाना पटोले व माजी मुख्यमंत्री पृथ्वीराज चव्हाण यांच्या हस्ते जंगी सत्कार करण्यात आले .
नुकतेच नवी दिल्ली येथे सोनिया गांधी व राहुल गांधी यांच्या आदेशानुसार व काँग्रेस सेवादलचे राष्ट्रीय अध्यक्ष लालजी देसाई यांच्या सूचनेनुसार सुदीप चाकोते यांचे काँग्रेस सेवादल यंग ब्रिगेडच्या महाराष्ट्र प्रदेश अध्यक्षपदी निवड करण्यात आले होते.बुधवारी टिळक भवन मुंबई येथे महाराष्ट्र प्रदेश काँग्रेसचे अध्यक्ष नान पटोले यांच्या व महाराष्ट्र काँग्रेसचे सह प्रभारी सोनल पटेल यांच्या हस्ते व माजी मुख्यमंत्री पृथ्वीराज चव्हाण व महाराष्ट्र प्रदेश काँग्रेसचे कार्याध्यक्ष माजी आमदार बसवराज पाटील , मोहन जोशी व नसीम खान यांच्या प्रमुख उपस्थिती पदग्रहन सत्कार सोहळा थाटात संपन्न झाला.यावेळी काँग्रेसचे कार्यकर्ते व पदाधिकारी उपस्थित होते.
मागील दोन वर्षांपूर्वी सुदीप चाकोते यांना पश्चिम महाराष्ट्राचा पदभार देण्यात आला होता.या काळात त्यांनी पश्चिम महाराष्ट्रातील सर्व जिल्ह्यात संघटना बळकट केली. प्रत्येक जिल्ह्यात नवीन कार्यकारिणी नेमून कामाला गती दिली.विविध आंदोलने, मेळावे या द्वारे जनतेचे प्रश्न वरीष्ठ पातळीवर मांडून त्यांची तड लावली.अनेक शहरात व राज्यात कार्यकर्ता प्रशिक्षण शिबीर देखील आयोजित केले.मध्य प्रदेश, पश्चिम बंगाल, केरळ आदी राज्यांच्या निवडणुकांमध्येही त्यांनी प्रचारात हिरीरीने भाग घेतला.त्यांच्या या सर्व कार्याने प्रभावित होऊन पक्षाध्यक्ष सोनिया गांधी, राहुल गांधी यांनी त्यांचे नाव लालजीभाईना निश्चित आदेश दिले.
निवड झाल्यावर सुदीप चाकोते यांनी सोनिया गांधी, राहुल गांधी व लालजीभाई देसाई यांनी प्रदेशाध्यक्ष पदी निवड केल्याबद्दल सर्वांचे आभार मानले. तसचे सुशीलकुमार शिंदे, HK पाटील, नाना पटोले, , आमदार प्रणिती शिंदे,विश्वनाथ चाकोते, लालजी मिश्रा, विलास औताडे यांचे धन्यवाद केले व येणाऱ्याला बळकट करून त्याचे गतवैभव मिळून देण्यासाठी दिवस रात्र मेहनत करणार असल्याचे ग्वाही दिली.
