सोलापूर : भाजपचे ज्येष्ठ आमदार तथा माजी सहकार मंत्री सुभाष देशमुख यांनी जिल्हा परिषदेचे पक्षनेते अण्णाराव बाराचारे यांच्या शेतात हुरडा पार्टीचा आनंद घेतला. सुरुवातीला त्यांना बाराचारे यांच्या शेताची वाट सापडेना असे समजले आल्यावर पत्रकारांनी हा विषय छेडला असता आमदार सचीन कल्याणशेट्टी यांच्यापेक्षा मी अक्कलकोट मतदारसंघात जास्त फिरलोय असे सांगून आपण वावर जास्त असल्याचे सांगितले.
एका पत्रकाराने महापालिका निवडणुकीचा विषय काढला,ऐकलं मी महापालिकेची वार्ड रचना झाली म्हणून. मनीष देशमुख जर जुळे सोलापुरात थांबले तर मी माघार घेईन असे पक्षातून निलंबित उपमहापौर राजेश काळे यांनी पोस्ट केली आहे. त्यावर भाजप पक्षात घराणेशाही चालत नाही बाबा…,शहरात तर घराणेशाहीचे उदाहरण आहे की बापू, असतंय असं कुठं तर क्वचित असे म्हणून विजय मालकांना सांभाळून घेतले. दक्षिण मतदारसंघात महापालिकेचे चित्र कसं असेल हे विचारले असता जनता ठरवलं की मी कसे सांगू.
एकाने ताक आणून बापूंच्या समोर ठेवले तेव्हा अरे दुसरं काय नाही का?इथं , दुसरं काय बापू असे विचारले असता अरे ती वाईन रे…मिळत नाही का? आता तर दुकानात पण मिळतीय की, मी तर मंत्रिमंडळ बैठकीत वाईन पिण्यासाठी ठेवण्याची मागणी करणार आहे. शाळेत दुधाऐवजी वाईनच ठेवा असे म्हणून सरकारच्या निर्णयावर संताप नोंदवला.
करमाळयाचे आमदार संजय शिंदे यांच्या फार्महाऊसवर झालेल्या बैठकीला प्रशांत परिचारक यांची हजेरी होती हा काय प्रकार बापू असे विचारले असता मला त्याचं काहीही माहित नाही असं म्हणून त्यावर बोलणे टाळले.
