सोलापूर : आरक्षणाचे जनक लोकराजा राजर्षी छत्रपती शाहू महाराज यांच्या जयंतीदिनी सोलापुरात विविध सामाजिक संस्था संघटनांच्या वतीने अभिवादन करण्यात येऊन मानवंदना देण्यात आली.
शहरातील लोकराजा फाउंडेशनच्यावतीने डॉक्टर बाबासाहेब आंबेडकर यांच्या पुतळ्याजवळ अभिवादन कार्यक्रमाचे आयोजन करण्यात आले होते. फाऊंडेशनचे अध्यक्ष आशुतोष तोंडसे यांनी इतिहास अभ्यासक डॉ शिवरत्न शेटे यांच्या उपस्थितीत पुष्पहार अर्पण करून अभिवादन केले.
शाक्य संघ व समता सैनिक दलाच्या वतीने जी ओ सी अण्णासाहेब भालशंकर यांच्या नेतृत्वाखाली छत्रपती शाहू महाराज आणि डॉक्टर बाबासाहेब आंबेडकरांना पुष्पहार अर्पण करून जयंतीदिनी मानवंदना देण्यात आली.
यावेळी केरू जाधव, अशोक दिलपाक, अंगद मुळे, नाना गाडे, व्यंकटेश सोनवणे, अंबादास बनसोडे, श्रीमंत गायकवाड, मिलिंद कोरे, सातलिंगप्पा नडवेनकरी, किसन सुरवसे, शेखर वाघमारे, विश्वास गायकवाड, फारूक शेख यांची प्रमुख उपस्थिती होती.
वंचित बहुजन आघाडीच्या वतीने जिल्हाध्यक्ष श्रीशैल गायकवाड, अनिरुद्ध वाघमारे, प्रशांत गोणेवार, विजयकुमार गायकवाड जालिंदर चंदनशिवे यांनी अभिवादन केले.
