काँग्रेसचे माजी मंत्री सिद्धाराम म्हेत्रे, माजी जिल्हा परिषद सभापती मल्लिकार्जुन पाटील, काँग्रेसचे जिल्हा कार्याध्यक्ष अशपाक बलोरगी, शिवराज स्वामी असे काही नेते मंडळींनी नुकतीच अजमेर शरीफ दर्गा याठिकाणी जाऊन दर्शन घेतले, म्हेत्रे साहेबांच्या या दौऱ्यात एक उपस्थिती सर्वांचं लक्ष वेधून घेणारी होती, ती म्हणजे सोलापूर स्मार्ट सिटी योजनेचे मुख्य कार्यकारी अधिकारी त्रिंम्बक ढेंगळे पाटील यांची.
सिद्धाराम म्हेत्रे यांचे प्रत्येक अधिकाऱ्यांसोबत अतिशय चांगले संबंध आहेत, म्हेत्रे हे चार टर्म आमदार राहिल्याने त्यांचे सर्वच राजकीय पक्षासोबत संबंध तसेच मंत्रालयात वजन आहे, त्यामुळे बरेच अधिकारी बदली असेल किंवा क्रिमी पोस्ट असेल त्यासाठी म्हेत्रे यांच्या कायम संपर्कात असतात,
हे वाचा : भाजपच्या आनंद तानवडे यांना राष्ट्रवादी काँग्रेसची ऑफर
स्मार्ट सिटी योजनेचे सीईओ त्रिंम्बक ढेंगळे पाटील हे सोलापूर महापालिका आयुक्त या पोस्ट साठी इच्छुक आहेत, तत्कालीन आयुक्त दीपक तावरे यांची बदली झाल्यावर ढेंगळे पाटील हे आयुक्त पदासाठी इच्छुक होते, मात्र त्यांना तूर्त स्मार्ट सिटी योजनेचं काम सांभाळण्यासाठी देण्यात आले, आणि तावरे यांच्या बदलीनंतर पी शिवशंकर यांच्याकडे आयुक्त पदावर नियुक्ती करण्यात आली, तेव्हापासून ढेंगळे पाटील हे वेट अँड वॉच मध्ये आहेत.
हे सुद्धा वाचा :सोलापूरात युवा सेनेच्या कार्यकर्त्यांचा राडा,
सध्या अधिकाऱ्यांच्या बदलीचे सिजन आहे, जिल्हाधिकारी कार्यालय, जिल्हा परिषद, महापालिका याठिकाणच्या बऱ्याच अधिकाऱ्यांच्या बदल्या होण्याची शक्यता आहे महापालिका आयुक्त शिवशंकर हे सोलापूर महापालिकेत काम करण्यासाठी जादा इच्छुक नसल्याचे बोलले जाते, त्यामुळे त्यांच्या जागेवर ढेंगळे पाटलांची नजर असल्याची चर्चा आहे.
हे सुद्धा वाचा : आहे का कुणाची हिम्मत आम्हाला इथून हटवण्याची
अशपाक बळोरगी यांच्याशी संपर्क साधला असता त्यांनी मागील पाच ते सहा वर्षांपासून त्रिंम्बक ढेंगळे, सिद्धाराम म्हेत्रे आम्ही असे बरेच कार्यकर्ते अजमेर दर्ग्यातील शरीफ साहेबांच्या दर्शनासाठी जातो असे बळोरगी यांनी जरी सांगितले असले तरी याच पार्श्वभूमीवर ढेंगळे पाटलांचा सिद्धाराम म्हेत्रे यांच्यासोबत झालेला अजमेर शरीफ दौरा हा या बदलीच्या चर्चेला तोंड फोडतो हे नक्की.
