सर, आम्ही खरे रस्त्यावर आलो….. काम पण गेले अन् दोन महिने पगार नाही….

सोलापूरात कोरोनाचा पहिला रूग्ण 12 एप्रिल रोजी आढळला, त्यानंतर दिवसेंदिवस रुग्ण वाढत गेले याचा मोठा भार सुरुवातीला सिव्हिल हॉस्पिटल वर पडला,  सिव्हीलच्या कर्मचाऱ्यांवर ताण आला, रुग्ण वाढू लागल्याने सिव्हिल हॉस्पिटलमध्ये डॉक्टर सह इतर आरोग्य कर्मचाऱ्यांची मोठी भरती वैंशपायन मेडिकल कॉलेजने काढली, यासह ग्रामीण भागातील कोव्हीड केअर सेंटर मध्ये ही भरती झाली त्यामध्ये एक्स-रे टेक्निशियन लॅब टेक्निशियन ईसीजी टेक्निशियन स्टाफ नर्स वॉर्डबॉय अशा सुमारे 350  जागा भरण्यात आल्या जागा भरताना तीन महिन्याचा करार या कर्मचाऱ्यांसोबत झाला होता दरम्यान त्यांचे तीन महिने संपले पुन्हा त्यांचा करार वाढून देणार असं सांगून कामावर रुजू करण्यात आलं दरम्यान दोन महिने पगारही दिला गेला नाही आणि अचानक मंगळवार 5 जानेवारी रोजी या कर्मचाऱ्यांना कामावरून कमी करण्याची नोटीस देण्यात आली अचानक कामावरून कमी केल्याने हे कर्मचारी घाबरून गेले त्यांनी त्वरित जिल्हाधिकाऱ्यांची भेट घेतली मात्र जिल्हाधिकाऱ्यांनी सिविल हॉस्पिटलकडे बोट दाखवले,   अधिष्ठाता  डॉक्टर संजीव ठाकूर कोणता निर्णय घेत नाहीत, जिल्हाधिकारी शंभरकर बोलत नाहीत, या कर्मचाऱ्यांनी प्रजासत्ताक दिनी पालकमंत्री दत्तात्रय भरणे यांची भेट घेतली त्यांनी आश्वासन दिले, मात्र त्याचा काही उपयोग झाला नाही, हे कर्मचारी जिल्हाधिकारी कार्यालयाच्या पायऱ्या झिजवत आहेत, कुणीही त्यांच्याकडे लक्ष देत नाही, एक महिला नर्सने तर पत्रकारांसमोर बोलताना सर मी तर महापालिकेतील काम सोडून इकडे जॉईन झाले, आता इकडून ही काढून टाकण्यात आले, दोन महिने पगार नाही, खरे रस्त्यावर आलो, आम्ही अशा भावना त्या महिलेने व्यक्त केल्या,  कोरोना संसर्ग अजूनही कमी झालेला नाही कोव्हीडचे पेशंट सिव्हिल हॉस्पिटलमध्ये उपचार घेत आहेत असे असताना आम्हाला कामावरून काढणे कितपत योग्य आहे असा सवाल या कर्मचाऱ्यांनी उपस्थित केला..