सोलापूर : राष्ट्रवादी काँग्रेसचे अध्यक्ष शरद पवार यांचा काही दिवसापूर्वी सोलापूर दौरा झाला मरगळलेल्या राष्ट्रवादीमध्ये काहीसे नवचैतन्य पाहायला मिळाले. त्यानंतर एकूणच सोलापूर महापालिका निवडणूक शहराध्यक्ष निवड तसेच लोकसभा निवडणुकीच्या चर्चेसाठी शरद पवार यांनी माजी महापौर महेश कोठे, माजी महापौर यु एन बे, ज्येष्ठ नेते सुधीर खरटमल यांना पवार यांनी मुंबईला बोलावले होते. या तीन प्रमुख नेत्यांसोबत युवा नेते हर्षल प्रधाने हे सुद्धा उपस्थित होते.
या बैठकीबाबत अधिक माहिती घेतली असता समजले की, मुंबईमध्ये या नेत्यांसोबत शरद पवार यांनी अर्धा तास विविध विषयांवर चर्चा केली. सोलापूर लोकसभा निवडणुकी संदर्भात चर्चा झाली असता सुधीर खरटमल उमेदवारीसाठी इच्छुक आणि आग्रही दिसून आले. सोलापूरचे राजकीय वातावरण आणि सुधीर खरटमल यांची शहरातील प्रतिमा पाहता ते उमेदवार होऊ शकतात आणि आगामी लोकसभा निवडणुकीत सोलापूरची जागा राष्ट्रवादी काँग्रेसला घ्यावी असा आग्रह साहेबांकडे धरण्यात आला आहे.
राष्ट्रवादी शहराध्यक्ष बदलावर पवार हे सुध्दा ठाम आहेत, या जागेसाठी ही खरटमल यांच्या नावाला पसंती दिली जाते आहे परंतु खरटमल हे शहराध्यक्ष पेक्षा लोकसभा निवडणूक लढवण्यासाठी जादा उत्सुक आहेत. खरटमल नसतील तर शहराध्यक्ष बेरिया यांना करावे असाही सूर बैठकीत झाला परंतु अध्यक्ष निवड ही निवडणुकीतून होणार असल्याचे समोर आले आहे.
