सोलापूर शहरातील शहर उत्तर या विधानसभा मतदारसंघात माजी पालकमंत्री आमदार विजयकुमार देशमुख यांना तगडी फाईट देणारे एकमेव माजी महापौर महेश कोठे आहेत.
यापूर्वी विजयकुमार देशमुख यांना महेश कोठे यांच्या विरोधात निसटता विजय मिळाला होता. शहर उत्तर मध्ये महेश कोठे यांचे मोठे प्राबल्य आहे. हे दोन्ही नेते एकमेकावर कायमच तोंडसुख घेत असतात. आता महापालिकेची निवडणूक येत्या दोन महिन्यात लागणार आहे त्या पार्श्वभूमीवर आमदार विजयकुमार देशमुख यांनी आपले चिरंजीव डॉक्टर किरण देशमुख यांना विडी घरकुल भारतातून कोठे परिवाराच्या विरोधात उभे करण्याची भाषा बोलून दाखवले असल्याची माहिती आहे, याचा महेश कोठे यांनी चांगलाच समाचार घेतला.
एका कार्यक्रमात कोठे यांनी विजयकुमार देशमुख यांना थेट आव्हान दिले, हिंमत असेल तर तुमच्या मुलाला विडी घरकुल भागात उभे करून दाखवाच माझ्या विरोधात उभे करा किंवा प्रथमेश कोठे असेल अन्यथा विठ्ठल कोटा यांच्याविरोधात उभे करा जर आम्ही हरलो तर मी राजकारण सोडेन अशी भाषा महेश कोठे यांनी वापरली आहे,
विडी घरकुलला निश्चितच शेळगीचा भाग जोडा तरीही आम्ही तयार आहोत असे सांगत यापूर्वी केदार उंबरजे हे नगरसेवक असताना त्यांच्या वेळी कामे मंजूर झाली होती तीच कामे पुढे नेण्याचं काम किरण देशमुख यांनी केलं या भाषेत कोठे यांनी आव्हान दिले आहे.
आगामी महानगरपालिकेच्या निवडणुकीच्या पार्श्वभूमीवर आता वातावरण तापण्यास सुरुवात झाली आहे, राष्ट्रवादी काँग्रेसचे नेते शरद पवार यांनी सोलापूर महानगरपालिकेची संपूर्ण जबाबदारी महेश कोठे यांच्यावर दिल्याने राष्ट्रवादीला सत्तेतून जाण्याचे चित्र दिसत आहे.
