करकंब : पंढरपूर तालुक्यातील नेमतवाडी गावच्या महिला सरपंचांनी माहिती मागण्यासाठी गेलेल्या दादा गंगाराम आमराळे यांना ग्रामपंचायत कार्यालयात हाताने मारहाण करून कार्यालयाबाहेर हाकलून लावले असल्याची घटना घडली आहे.
सविस्तर माहिती अशी की,नेमतवाडी येथील नागरिक दादा गंगाराम आमराळे हे ग्रामपंचायतिच्या झालेल्या ग्रामसभांच्या तारखांची माहिती घेण्यासाठी ग्रामसेवकाकडे गेले असता त्या ठिकाणी असलेल्या महिला सरपंच शोभा गोरख खुळे व गोरख बबन खुळे यांनी हाताने मारहाण करीत दादा आमराळे यांना ग्रामपंचायत कार्यालयातुन बाहेर ढकलून लावले व तुला बघून घेतो ठेवत नाही म्हणत धमकी दिल्याने महिला सरपंच शोभा गोरख खुळे व पती गोरख बबन खुळे यांच्यावर ३२३, ५०४,५०६, ३४ कलमानुसार गुन्हा दाखल झाला आहे
तर सरपंच शोभा गोरख खुळे यांनी ही मागितलेली माहिती का देत नाही म्हणत ग्रामपंचायत कार्यालयात येऊन शिवीगाळ केल्याची दादा गंगाराम आमराळे, श्रीकृष्ण हणमंत माने, अमोल नवनाथ माने यांच्या विरोधात तक्रार दाखल झाल्याने दादा गंगाराम आमराळे, श्रीकृष्ण हणमंत माने,अमोल नवनाथ माने यांच्यावरही ५०४, ५०६, ३४ कलमानुसार गुन्हा दाखल करण्यात आला आहे. या घटनेचा पुढील तपास स.पो.नि. निलेश तारू यांच्या आदेशानुसार पोलीस हे.कॉ.घोळवे हे करीत आहेत.
