सोलापूर : सिव्हिल हॉस्पिटलमध्ये उपचार सुरू असताना सोलापूर कारागृहातील प्रेम नावाचा कैदी पोलिसांच्या हातावर तुरी देत पसार झाला होता. मात्र 24 तासातच फौजदार चावडी पोलिसांनी त्याला जेरबंद केले. तो आजारी असल्याने त्याला पुन्हा सिव्हिल हॉस्पिटलमध्ये उपचारासाठी ठेवले असता तिथे त्यांनी प्रचंड धिंगाणा घातला.
हाताचे सलाईन काढून स्वतःचे डोके खिडकीला व भिंतीवर आपटून आत्महत्या करण्याचा प्रयत्न केला, खिडकीची मच्छर जाळी तोडून टाकली, वार्डामध्ये जोरजोराने आरडाओरड करत डॉक्टरांना शिवीगाळ करत उपचार करू दिले नाही. तिथे नेमणुकीला असलेल्या पोलिसांनी पकडण्याचा प्रयत्न केला असता उलट पोलिसाच्या उजव्या मांडीचा चावा घेतला तसेच सलाईनच्या पाईपने पोलिसाला मारहाण केली.
हा प्रकार शनिवार 5 फेब्रुवारी रोजी सकाळी दहा ते साडे अकरा च्या दरम्यान घडला. या प्रकरणात प्रेम या कैद्यावर आणखी एक गुन्हा दाखल झाला आहे. प्रेम संजय हलकवडे वय 19 असे त्या कैद्यांचे पूर्ण नाव आहे. तो सलगरवस्ती पो.स्टे येथील भादवि ३०७,५०४,५०६, ३४ प्रमाणे गुन्ह्यात अटक असून जिल्हा कारागृहात शिक्षा भोगत आहे तो आजारी असल्याने त्याला सिव्हिल मध्ये दाखल करण्यात आले होते तेव्हा तो पोलिसांची नजर चुकवून अंधाराचा फायदा घेत पळून गेला होता
परंतु त्याला पोलिसांनी लगेच पकडले त्यानंतर सिविल मध्ये उपचारासाठी दाखल केले होते 5 फेब्रुवारी दरम्यान त्यांनी हा गोंधळ घालुन आत्महत्येचा प्रयत्न केला, पोलिसांच्या सरकारी कामात अडथळा निर्माण केला त्यामुळे याप्रकरणी पोलीस शिपाई अतुल दगडू राऊत यांनी फिर्याद दिली आहे. भादंविसंक ३०९,३३२,३५३.४२७ प्रमाणे सदर बझार पोलीस ठाण्यात गुन्हा दाखल करण्यात आला आहे.
:
