7 ऑगस्ट रोजी रात्री 20.30 च्या सुमारास सोलापूर रेल्वे स्टेशन येथे गाडी क. 02756 सिकंद्राबाद राजकोट एक्सप्रेस मध्ये एक बेवारस बॅग मिळाली आहे असा मेसेज नियंत्रण कक्ष सोलापूर येथे आला होता. त्या ठिकाणी जावून लोहमार्ग पोलिसांनी पाहणी केली असता बोगी क. बी/3 मधुन एक बेवारस बॅग खाली उतरवून घेतली. एक मिल्ट्रीचे रंगाचे कापडी सॅकबेंग होती. तेव्हा याठिकाणी जावून आजुबाजुच्या प्रवाशांकडे या बॅगा कोणाच्या आहेत याबाबत पोलिसांनी चौकशी केली परंतु कोणीही या बॅगेवर आपला मालकी हक्क सांगीतला नाही.
त्या बॅगेचे बारकाईने निरीक्षण केले असता बॅगेतुन गांजाचा आंबट उग्र वास आला. याची माहिती फोनवरून ठाणे अंमलदार यांना कळवण्यात आली. थोडया वेळाने प्रभारी अधिकारी शिंदे, रे.सु.ब. ए.एस.सी. एम. के. सिसोदीया. दोन सरकारी पंच व स्टॉफ असे सोबत रियाज फुलारी हे त्यांचा वनज काटा घेवून, प्लॅट फार्म नं. 4 येथे आले. ती सॅकबॅग उघडून पाहीली असता आतमध्ये खाकी प्लॅस्टीकच्या सेलो टेपने बंद केलेल्या स्थितीत सहा बंडल दिसुन आले. त्यास गांजासारखा आंबट उग्र वास येवू लागल्याने त्या बॅगेमध्ये गांजा असल्याची खात्री झाली. ती बॅग जप्त करण्यात आली त्यामध्ये 12 किलो गांजा होता अशी माहिती सोलापूर लोहमार्ग पोलिस ठाण्याचे सहाय्यक पोलीस निरीक्षक शिवाजी शिंदे यांनी दिली.
हि कारवाई सोलापूर लोहमार्ग पोलिस ठाण्याचे सहाय्यक पोलीस निरीक्षक शिवाजी शिंदे, PSI वाघमारे, सहाय्यक पोलिस फैजदार प्रल्हाद चव्हाण, पोलिस हवालदार विश्वास वळकुटे, पोलीस अंमलदार खताळ, गायकवाड आणि टिम यांच्यासह सोलापूर RPF ठाण्याचे ASC शिशोदिया, वरिष्ठ अधिकारी विधाते, ASI सिंग, सतीश वाभळे, RPF टिम यांनी केली.
