सोलापूर शहरात आषाढी यात्रा सर्वत्र मोठ्या प्रमाणात साजरी होते यंदा या आषाढी यात्रेवर कोरोणा संसर्गाचे सावट होते त्यामुळे पन्नास पेक्षा अधिक लोकांना गर्दी करण्यास सर्वच मंदिरांमध्ये प्रशासनाच्या वतीने मनाई करण्यात आली होती असे असताना ही आषाढ महिन्याच्या शेवटच्या रविवारी अनेक ठिकाणी मंदिरांमध्ये गर्दी दिसून आली, कोरोणाच्या नियमांना हरताळ फासण्यात आला.
रंगभवन चौक परिसरातील लोधी समाजाच्या वन शितलादेवी मंदिरात दरवर्षी गर्दी होते याचा विचार करुन पोलिसांनी बंदोबस्त लावला होता मात्र तसेच वन शितलादेवी मंदिर समितीचे प्रमुख आणि लोधी समाजातील नगरसेवकांना महापालिका आणि पोलिस प्रशासनाच्या वतीने गर्दी करू नये म्हणून सूचित करण्यात आले होते.
असे असतानाही सायंकाळच्या सुमारास मंदिराचा दरवाजा उघडण्यात आला या मंदिरांमध्ये लोधी समाजातील महिला बालके नागरिकांची मोठ्या प्रमाणात गर्दी उसळली. यामुळे रणजितसिंग दवेवाले, शंकरशिंग बाडीवाले, गोपालसिंग सोनगेवाले या प्रमुख ट्रस्टच्याविरोधात कोरोना नियमांचे उल्लंघन केल्याप्रकरणी सर्वाविरुध्द भारतीय दंड संहितेचे कलम १८८, २६९, ३३६ सह आपत्ती व्यवस्थापन अधिनियम २००५ चे कलम ५१(बी) सह भारतीय साथ रोग अधिनियम १८९७ चे कलम ३ सह महाराष्ट्र पोलीस कायदा १९५१ चे कलम १३५ प्रमाणे सदर बजार पोलीस ठाण्यात गुन्हा दाखल करण्यात आला आहे.
