10 ऑगस्टच्या आत राज्यातील सर्व बदल्या करण्याच्या सूचना राज्य सरकारच्या आहेत. त्यामध्ये सोलापूर जिल्ह्यातील तीन तहसीलदारांच्या बदल्या झाल्या आहेत.
यात प्रामुख्याने अक्कलकोट तालुक्याच्या तहसीलदार अंजली मरोड यांची बदली करण्यात आली त्यांना संजय गांधी निराधार योजनेच्या तहसीलदारपदी सोलापूर शहरात नियुक्ती देण्यात आली आहे, जिल्हाधिकारी कार्यालयातील महसूल विभागाचे तहसीलदार श्रीकांत पाटील यांची बदली इंदापूर तालुक्याच्या तहसीलदार पदी झाली आहे, त्याचबरोबर मोहोळ तालुक्याचे तहसीलदार जीवन बनसोडे यांचीही बदली झाली आहे, त्यांना जत तालुक्यातील संख या ठिकाणी अप्पर तहसीलदार म्हणून नियुक्ती देण्यात आली आहे.
परंतु या तिन्ही तहसीलदारांच्या जागेवर अद्याप इतर कुणाची नियुक्ती झालेली नाही या बदल्यांमध्ये महसूल तहसीलदार श्रीकांत पाटील यांना मात्र चांगली पोस्ट मिळाली आहे पालकमंत्री दत्तात्रय भरणे यांच्या इंदापूर तालुक्यात यांना तहसीलदारपदी नियुक्ती मिळाली आहे.
