सोलापूर : राज्य सरकारच्या टास्क फोर्स बैठकीनंतर राज्यात काही निर्बंध शिथिल करण्यात आले आहेत त्या पार्श्वभूमीवर जिल्हाधिकारी मिलिंद शंभरकर यांनी सोलापूरच्या ग्रामीण भागातील निर्बंध शिथिल करण्याचे आदेश मंगळवारी सायंकाळी काढले.
आदेश :ज्याअर्थी, सार्वजनिक आरोग्य विभाग, मंत्रालय, मुंबई यांचेकडील पत्र दि. १४ मार्च, २०२० अन्वये कोरोना विषाणू (कोव्हीड- १९) चा प्रादुर्भाव रोखण्यासाठी राज्यात साथ रोग प्रतिबंधात्मक कायदा, १८९७ मधील तरतुदींच्या अंमलबजावणीसाठी अधिसुचना निर्गमीत करणेत आलेली आणि त्याबाबतची नियमावली प्रसिद्ध केली असून जिल्हाधिकारी हे त्यांचे कार्यक्षेत्रात कोव्हीड- १९ वर नियंत्रण आणण्यासाठी व त्याचा प्रादुर्भाव रोखण्यासाठी ज्या उपाय योजना करणे आवश्यक आहे त्या करण्यासाठी सक्षम प्राधिकारी म्हणून घोषित करण्यात आलेले आहे.
ज्याअर्थी, ओमीयक्रॉन कोविड १९ व्हेरियंटमुळे रुग्णसंख्या वेगाने वाढत आहे. या विषाणुच्या प्रसाराचा वेग जास्त असल्याने व पुढील काळात त्याचा प्रसार जास्त होण्याची शक्यता असल्याने शासनाकडील यापुर्वी वाचा क्र.५ मधील दि. ३१.०१.२०२२ आदेशानुसार कोविड १९ विषाणूचा फैलाव होण्यास प्रतिरोध (प्रतिबंध) करण्यासाठी साथ रोग अधिनियम १८९७ व आपत्ती व्यवस्थापन कायदा २००५ नुसार राज्य आपत्ती व्यवस्थापन प्राधिकरणामार्फत संपूर्ण राज्यात कडक निर्बंध जारी करण्याचे आदेशीत करण्यात आले आहेत. तथापि लसीकरण झालेल्या प्रभावी कामकाजाच्या अनुषंगाने सदर निषेधामध्ये शासनाकडील दि. ३१.०१.२०२२ च्या आदेशान्वये अंशत: सुट देण्यात आलेली आहे.
त्याअथी, मी मिलिंद शंभरकर जिल्हादंडाधिकारी, सोलापूर, फौजदारी प्रक्रिया संहिता १९७३ चे कलम १४४ (१) (३) व आपत्ती व्यवस्थापन कायदा २००५ अन्वये मला प्राप्त झालेल्या अधिकारानुसार ओमीयक्रॉन कोरोना (कोव्हिड-१९) विषाणूचा प्रादुर्भाव रोखण्यासाठी शासनाकडील प्राप्त निर्देशास अनुसरून सोलापूर जिल्ह्यात (पोलीस आयुक्तालय सोलापूर हद्द वगळून दि. ०१.०२.२०२२ चे रात्री ००.०० पासून खालीलप्रमाणे अंशत: निबंध शिथील करण्यात येत आहे.
अ) ऑनलाईन तिकीटाची सुविधा उपलब्ध असलेले सर्व राष्ट्रीय उद्याने आणि सफारी नियमित वेळेनुसार खुली राहतील. तथापि सर्व अभ्यागतांचे लसीकरण झालेले असणे आवश्यक राहील. तसेच कोविड १९ चा प्रादुर्भाव लक्षात घेता सदर ठिकाणावरील संबंधित नियंत्रण अधिकारी यांनी अशा ठिकाणी एका वेळेस भेट देणाऱ्या अभ्यांगतांची संख्यावर नियंत्रण ठेवणेकामी योग्य ते निर्बंध ठेवण्यात यावे.
घ) ऑनलाईन तिकीटाची सुविधा उपलब्ध असलेले सर्व पर्यटन स्थळे नियमित वेळेनुसार खुली राहतील. तथापि सर्व अभ्यांगतांचे लसीकरण झालेले असणे आवश्यक राहील. तसेच कोविड १९ था प्रादुर्भाव लक्षात घेता सदर ठिकाणावरील संबंधित नियंत्रण अधिकारी यांनी अशा ठिकाणी एका वेळेस भेट देणाऱ्या अभ्यांगतांची संख्यावर नियंत्रण ठेवणेकामी योग्य ते निर्बंध ठेवण्यात यावे.
क) ब्यूटी पार्लर व केश कर्तनालय यांना लागू केलेल्या निबंधाप्रमाणे स्पा सेंटर ५०% क्षमतेसह चालू राहतील.
ड) अंत्यसंस्कार अंत्यविधीसाठी उपस्थित राहणाऱ्या व्यक्तींच्या संख्येवरील निर्बंध शिथील करण्यात येत आहे.
वरील शिथील केलेल्या निबंधाव्यतिरिक्त इतर मुद्यांबाबत यापूर्वी दि.०९.०१.२०२२ च्या आदेशान्वये लागू करण्यात आलेले निबंध कायम राहतील.
