सांगोला तालुक्याचे भाग्यविधाते महाराष्ट्रातील रेकॉर्डब्रेक आमदार शेतकरी कामगार पक्षाचे ज्येष्ठ नेते माजी आमदार गणपतराव देशमुख उर्फ आबासाहेब यांचे शुक्रवारी सोलापुरात रात्री सव्वा नऊच्या सुमारास उपचारादरम्यान निधन झाले.
संपूर्ण सोलापूर जिल्ह्यासह महाराष्ट्रावर या दुःखद घटनेने शोककळा पसरली आहे, सोलापुरातील अश्विनी हॉस्पिटलमध्ये त्यांनी शुक्रवारी अखेरचा श्वास घेतला शनिवारी सकाळी 6 वाजता अश्विनी मधून पार्थिव निघणार, पुढे मोहोळ तालुक्यातील पेनूर येथे काही वेळ थांबून पुढे नऊच्या सुमारास त्यांचे पार्थिव सांगोल्याला आणण्यात येणार आहे, हे पार्थिव त्यांच्या निवासस्थानी दोन तास अंत्यदर्शनासाठी ठेवण्यात येणार असून त्या ठिकाणाहून त्यांची अंत्ययात्रा निघून सांगोला सूत मिलमधील मैदानात त्यांच्यावर अंत्यसंस्कार करण्यात येणार आहेत अशी माहिती त्यांच्या निकटवर्तीयांकडून देण्यात आली. त्यांच्या निधनाचे वृत्त समजताच सोलापूर शहर जिल्ह्यातील सर्वच राजकीय पक्षांच्या कार्यकर्ते आणि नेत्यांनी त्यांना भावपूर्ण श्रद्धांजली वाहिली आहे.
“मार्क्सवादारावर पकड असणारे मुत्सद्दी महाराष्ट्राच्या राजकारणातील भीष्माचार्य ज्येष्ठ नेते गणपतराव देशमुख यांना श्रमिकांचा लाल सलाम ! “
मला गणपतराव देशमुख यांच्या सोबत 1978 आणि 2004 साली विधानसभेच्या सभागृहात काम करण्याची संधी मिळाली.तब्बल 11 वेळा आमदार म्हणून जनतेची सेवा बजावलेले देशमुख सांगोला च्या माळरानावर महिलांसाठी सूत गिरणी उभारून स्वावलंबी व समर्थ बनवणारे प्रजाहितदक्ष व निष्कलंक नेते होते. आपली प्रतिभाशक्ती व प्रगल्भतेने सत्ताधारी यांच्यावर अंकुश ठेवणे आणि विरोधकांना कोंडीत पकडणे याचे उत्तम कौशल्य असणारे उत्कृष्ट विधानसभापटू गणपतराव देशमुख यांच्या निधनाने उभा महाराष्ट्र पोरका झाला. विधानसभा शिष्टाचार काटेकोर पणे पालन करणारे जाणकार आणि
मार्क्सवादारावर पकड असणारे मुत्सद्दी महाराष्ट्राच्या राजकारणातील भीष्माचार्य ज्येष्ठ नेते यांना श्रमिकांचा लाल सलाम !
कॉ.नरसय्या आडम (मास्तर)
माजी आमदार, सोलापूर.
