कोरोना संसर्गाच्या पार्श्वभूमीवर मोहरम सण साजरा होत आहे, मात्र राज्य सरकारने मोहरम हा सण सार्वजनिक स्वरूपात साजरा करण्यास मनाई केली आहे. पोलीस प्रशासनाने तसे सोलापूर शहरात आवाहन केले असतानाही बेगम पेठ परिसरात अमर हॉटेलच्या बाजूस रस्त्यावर सार्वजनिक ठिकाणी मोहरम पंजे बसविण्यात आले होते, त्याठिकाणी 80 ते 100 लोक एकत्र जमले होते. जेल रोड पोलीस ठाण्याचे पोलीस ठाण्याचे पोलीस नाईक धादवड यांना माहिती मिळाली.
यावेळी त्यांनी पोलीस उपनिरीक्षक लोंढे, सहाय्यक फौजदार देवमाने, पोलीस नाईक युसूफ शेख, यांच्यासोबत जाऊन विचारणा केली तेव्हा कोणतीही परवानगी न घेता मोहरम पंजे बसविण्यात आले असल्याचे निदर्शनास आले.
या प्रकरणात छोटे मुस्लिम कमिटीचे अध्यक्ष सय्यद अहमद अब्दुल रहेमान काजी (वय 56 राहणार 171, बेगम पेठ) यांच्यावर जेलरोड पोलीस ठाण्यात कोरोना प्रतिबंधक कलम व भारतीय दंड संहिता 188, 269, 336 कलमान्वये गुन्हा दाखल करण्यात आला आहे.
