Solapur | आगामी जिल्हा परिषद व पंचायत समिती निवडणुकीच्या पार्श्वभूमीवर काँग्रेस नेते सुशीलकुमार शिंदे यांनी सोलापूरात महत्वाचा निर्णय घेतला. जिल्हा कार्यकारी अध्यक्ष सुरेश हसापुरे यांच्यावर मोठी जबाबदारी दिली आहे, संपूर्ण जिल्ह्यात त्यांना दौरा करण्यात सांगितले आहे, साहेबांचा आदेश शिरसावंद्य मानून सुरेश हसापुरे यांनी आपल्या दौऱ्याला सुरुवात केली आहे,
अनेक वर्षांनंतर काँग्रेसच्या गावागावात अशा बैठका होत असल्याने त्यांच्या दौऱ्यास पदाधिकारी व कार्यकर्त्यांचा प्रचंड प्रतिसाद मिळत आहे. 22 जुलै पासून 25 जुलै पर्यंत त्यांचा दौरा आहे, तडफदार भाषण, कार्यकर्त्यांना खेचण्यात, त्यांची कामं, अडचणी जाणून घेण्यात, प्रशासकीय पातळीवर मदत करण्यात सुरेश हसापुरे राजकारणात माहीर आहेत,
काँग्रेसचे बळकटीकरण होण्यासाठी आधी कार्यकर्ता बळकट करणे गरजेचे आहे, गावागावात कार्यकर्ता बळकट झाला तर पक्ष आपोआप मजबूत होईल. सोलापूर जिल्हा हा काँग्रेसचा बालेकिल्ला होता, ते वैभव पुन्हा परत मिळवायचे आहे अशा भाषेत हसापुरे हे बैठकांमध्ये कार्यकर्त्यांना विश्वास देत आहेत.
सुरेश हसापुरे यांना जिल्हाध्यक्ष करण्यासाठी सोलापूर जिल्ह्यातील काँग्रेसचे अनेक कार्यकर्ते पक्षाकडे मागणी करत आहेत सध्या याबाबत पक्ष निर्णय घेण्यास तयार नाही मात्र हसापुरे यांचा जिल्ह्यातील सर्वपक्षीय जनसंपर्क पाहता त्यांच्यावर जिल्हा परिषद मतदारसंघ निहाय बैठका घेण्याची ही महत्त्वपूर्ण जबाबदारी टाकली आहे, सुशीलकुमार शिंदे यांनी दाखवलेल्या विश्वासास जिल्ह्यात बैठकांना मिळत असलेला प्रतिसाद पाहता सुरेश हसापुरे हे पात्र ठरल्याचे दिसत आहे. हसापुरे यांच्या नेतृत्वाचा काँग्रेस पक्ष फायदा करून घेण्यासाठी लवकरच त्यांच्यावर मोठी जबाबदारी दिली जाणार असल्याची चर्चा आहे.
जिल्हाध्यक्ष प्रकाश पाटील यांच्या वरिष्ठांकडे वारंवार तक्रारी गेल्या आहेत, पक्षात ते सक्रिय नसतात, कोणते कार्यक्रम घेत नाहीत, बैठक घेत नाहीत, निवेदन नाहीत, आंदोलन नाही, अशा एक ना अनेक तक्रारी आल्यापासून सुशीलकुमार शिंदे हे प्रकाश बापूंवर कमालीचे नाराज आहेत, काँग्रेस पक्ष कुणाला बदण्याच्या भूमिकेत नसल्याने प्रकाश पाटलांना तूर्त तरी दिलासा मिळाल्याचं चित्र आहे.
