सोलापूर : प्रभाग क्रमांक वीस मधील काँग्रेस पक्षाच्या नगरसेविका अनुराधा काटकर यांच्या लहान मुलाचे अपघातात निधन झाल्याची माहिती रविवारी सायंकाळी पाचच्या सुमारास समोर आली. विशाल काटकर असे त्या मरण पावलेल्या मुलाचे नाव आहे.
याबाबत नगरसेविका काटकर यांचे चिरंजीव श्रीधर काटकर यांच्याकडून अधिक माहिती घेतली असता शनिवारी दत्तजयंती असल्याने सर्व कुटुंबासोबत तो आसरा चौकातील दत्त मंदिराकडे दर्शनासाठी गेला होता या दर्शनानंतर तो अचानक गायब झाला. सर्वत्र त्याचा शोध घेतला मात्र तो सापडला नाही. शेवटी आज रविवारी दुपारी त्याचा मृत्यू झाल्याची माहिती समोर आली. या घटनेने संपूर्ण काटकर कुटुंबीयांवर दुःखाचा डोंगर कोसळला आहे.
अक्कलकोट रोडवरील लिंबीचिंचोळी या ठिकाणी अज्ञात वाहनाच्या धडकेने जखमी झाल्यानंतर विशाल काटकर याला ॲम्बुलन्स मध्ये घालून सिव्हिल हॉस्पिटलला आणण्यात आले होते मात्र उपचारापूर्वीच त्याचा मृत्यू झाला.
नगरसेविका अनुराधा काटकर यांना तीन मुलं आहेत त्यापैकी मयत विशाल हा लहान होता नगरसेविका काटकर नई जिंदगी भागात राहतात.
