एमआयएमचे नगरसेवक तथा गटनेते रियाज खरादी यांनी शुक्रवारी एक प्रतिक्रिया दिली त्यामध्ये तौफिक शेख यांना संघटना बांधणीचे गॉड गिफ्ट आहे ते तितकेच खरे आहे. पूर्वी तौफिक पैलवान सोबत असलेले “चॉकलेट बॉय” नगरसेवक अजूनही म्हणतात, पैलवानच्या मागे फिरताना एक रुबाब होता, तो रुबाब आता नाही पण काय करायचे, पक्षाला सोडून जाता येत नाही आणि दुसरा पर्यायही नाही. जे आता पैलवान वर तोंडसुख घेत आहे ते काही वर्षांपूर्वी त्याच्या मागे पुढे पैलवान पैलवान म्हणून फिरत असताना अनेकांनी पाहिले आहे.
एमआयएम वर नाराज झालेल्या नगरसेवक तौफिक शेख यांनी भविष्याचा वेध घेत राष्ट्रवादीची सलगी केली, राष्ट्रवादी काँग्रेसला सोलापूर शहरात विशेष करून मुस्लिम समाजामध्ये क्रेज असणारा नेता हवा होता तो पैलवान यांच्या रूपाने मिळाला आहे.
तौफिक शेख यांनी अद्यापही राष्ट्रवादी काँग्रेसमध्ये अधिकृत प्रवेश केलेला नाही किंवा राष्ट्रवादी काँग्रेसचे उपरणे गळ्यात घेतले नाही कधीकधी एमआयएम मध्येच अशी भीती व्यक्त केली जात आहे की ऐनवेळी पैलवान पुन्हा एमआयएम मध्ये येतो का? मग अनेकांची अडचण होईल. राजकारण आहे कधी काय होईल कधी कोणती समीकरणे बदलतील हे सुद्धा आता सांगणे शक्य नाही, दरम्यान शुक्रवारी जिल्ह्याचे पालकमंत्री दत्तामामा भरणे हे सोलापूर दौऱ्यावर होते यावेळी गटनेते आनंद चंदनशिवे यांच्यासह तौफिक शेख यांनी पालकमंत्र्यांना निवेदन दिले हे निवेदन हातात येताच पालकमंत्र्यांनी समोर असलेल्या महापालिका आयुक्तांना तातडीने याच्यावर कार्यवाही व्हावी अशा सूचना केल्या.
हा विषय हद्दवाढ भागातील नई जिंदगी परिसराच्या पाणी प्रश्नाचा होता सध्याची असलेले पाईपलाईन ही लहान असल्याने वेळेवर आणि सुरळीत पाणीपुरवठा होत नाही ती आकाराने मोठी घातल्यास प्रभाग क्रमांक 20 आणि 21 मधील नागरिकांच्या पाण्याचा प्रश्न कायमस्वरूपी मिटणार आहे. दरम्यान याबाबत तोफिक शेख यांनी पालकमंत्र्यांचे आभार व्यक्त केले आहेत
