सोलापूर : शाळा सुरु झाल्याच्या पार्श्वभूमीवर चंद्रनील सोशल फाउंडेशनचे संस्थापक सुशील बंदपट्टे यांनी वडार गल्ली, बुधवार पेठ, न्यू बुधवार पेठ, मराठा वस्ती, स्वीपर कॉलनी, बुधले गल्ली, शाहिर वस्ती, मिलिंद नगर, जय मल्हार चौक, सम्राट चौक, नीला नगर या भागातील महापालिकेच्या शाळेतील तब्बल अकराशे विद्यार्थी शालेय साहित्य वाटप केले.
आमदार प्रणिती म्हणाल्या, लोकांना मदत करण्याची काँग्रेसची संस्कृती असून आम्ही तुमच्या सेवेसाठीच आहोत. काहीही अडचण असल्यास आम्हाला हक्काने सांगा, आम्ही निश्चितपणे मदत करू. सुशील बंदपट्टे यांचे काम खूपच कौतुकास्पद आहे. पण, भाजप हा लोकांना त्रास देणारे पक्ष असून चिमणी पाडून हजारो कुटुंबांचा संसार उद्धवस्त केल्याचा आरोपही त्यांनी यावेळी केला.
नरोटे म्हणाले, विकासासाठी बंदपट्टेंना महापालिकेत पाठवा
पैसे तर खुप लोक कमवतात, पण कमविलेल्या पैशातून समाजातील गोरगरीबांन मदत करण्याची दानत सर्वांकडे नसते. पण, सुशील बंदपट्टे यांच्याकडे ती दानत आहे. त्यांनी लाखो रुपये खर्चून अकराशे विद्यार्थ्यांना शालेय सहित्य वाटले हे कौतुकास्पद आहे. काँग्रेसला एक चांगला नेता त्यांच्या रूपाने मिळाला असून त्यांना आपण सर्वांनी आगामी निवडणुकीत निवडून द्या आणि महापालिकेत पाठवा असे, असे आवाहन चेतन नरोटे यांनी केले.
