सोलापूर जिल्हा परिषदेचे प्राथमिक शिक्षणाधिकारी संजयकुमार राठोड यांची उस्मानाबाद जिल्हा परिषदेमध्ये बदली झाली, त्यांच्या जागेवर किरण लोहार यांची शिक्षणाधिकारी पदावर नियुक्ती झाली आहे. संजयकुमार राठोड हे बदलीसाठी पात्र होते, मात्र यांच्या मागील काही महिन्यात बऱ्याच भानगडी समोर आल्या आहेत, बेकायदेशीर शिक्षकांच्या बदल्या, माध्यमिक शिक्षणाधिकारी पदाचा पदभार असताना बऱ्याच शिक्षकांच्या बेकायदेशीर नियुक्ती केल्याच्या तक्रारी करण्यात आल्या होत्या,सोलापूर सोशल उर्दू शाळेतील शिक्षकांच्या नियुक्ती प्रकरणी गुन्हा दाखल झाल्याची माहिती एमआयएम नगरसेवक रियाज खरादी यांनी दिली आहे, संजयकुमार राठोड यांनी त्यांच्या मर्जीतील विस्तार अधिकाऱ्यांना गटशिक्षणाधिकारी म्हणून नियुक्ती दिली होती, त्यामध्ये अक्कलकोट मधील भांजे, उत्तर सोलापूर मध्ये बापूसाहेब जमादार यांचा समावेश आहे, त्यांनी साहेबांची चांगलीच मर्जी राखल्याची माहिती शिक्षण विभागातून ऐकण्यास मिळते.
त्यांच्या बाबत अनेक तक्रारी आहेत, त्यांनी वरिष्ठ स्तरावर बदलीसाठी प्रयत्न सुरू केले होते, मंत्रालयात बऱ्याच चकरा मारल्या, उस्मानाबाद साठीच ते प्रयत्नशील होते शेवटी त्याच ठिकाणी त्यांची बदली झाली,
दरम्यान सोमवारी मुख्य कार्यकारी अधिकारी दिलीप स्वामी यांना पत्रकारांनी संजय राठोड बाबत विचारले असता, त्यांच्या मी लवकर रिलिव्ह करणार नाही, त्यांच्या तक्रारी बाबत सुनावणी आहेत, काही शिक्षण विभागातील विषय आहेत त्यावर निर्णय झाल्यानंतरच राठोड यांची सुटका होईल असा नकळत इशाराच दिलीप स्वामी यांनी दिला.
