सोलापूर – संपूर्ण जगात कोरोना वायरसचा तर आता नवा व्हेरियंट ओमीक्रोन संसर्गाचा धसका असून 85 टक्के देशात या व्हायरसने धुमाकूळ घातला आहे. यापासून बचाव करण्यासाठी आता त्रिसूत्रीबरोबर चौथेसूत्र दोन वेळा लसीकरण होणे गरजेचे आहे. तर यासाठी गावपातळीवर पोलिस पाटील यांनी नागरीकांशी समन्व़य साधून गाव 100 टक्के लसीकरण करा असे आवहान जिल्हा पोलिस अधिक्षक तेजस्वी सातपूते यांनी केले.
पृथ्वीराज माने युवा मंचच्या वतीने गुळवंची येथे पोलिस पाटील दिनाचे औचित्य़ साधून उत्त़र सोलापूर तालुक्यातील पोलिस पाटीलांचा सन्मान करण्यात आला यावेळी त्या बोलत होत्या. यावेळी युवामंचचे मार्गदर्शक पृथ्वीराज माने, सभापती रजनीताई भडकुंबे, गटविकास अधिकारी प्रशांत देशमुख, बाल विकास प्रकल्प़ अधिकारी समाधान नागणे, गटशिक्षणाधिकारी बापूसाहेब जमादार, तालुका आरोग्य़ अधिकारी डॉ. मोहन शेगर, युवा मंच तालुका अध्यक्ष सुनील जाधव व पदाधिकारी उपस्थित होते.
हात धूवा, सामाजिक अंतर पाळा, मास्क़ वापरा या त्रिसूत्रीबरोबर आता एक नव्हे दोन डोस लसीकरण घेणे या चौथ्या सुत्रीचा अवलंब करणे आवश्यक आहे. तरच आपण कोरोना व आता नव्याने ओमीक्रोनसारख्या संसर्गावर मात करु शकणार आहोत. पोलिस पाटील भरती जरी महसूल विभाग करीत असले तर आपण आमच्या पोलिस विभागाशी संलग्ऩ राहून काम करीत आहात. आपण पोलिसही आहात व पाटीलही आहात तेव्हा गाव करील ते राव काय करील, या युक्तीप्रमाणे राव काहीच करणार नाही ते पोलिस पाटील व गावातील नागरीक करु शकतात आजवर संकटात तुम्ही केलेल काम अप्रतीम आहेच आता लसीकरणासाठी काम करा असे आवाहन सातपूते यांनी केले.
गाव पातळीवर नागरीक व प्रशासनातील महत्वाचा दूवा पोलिस पाटील असून गावात सर्वांना विश्वासात घेऊन लसीकरणासाठी नागरीकामध्ये जागरुकता करा असे युवा मंचचे मार्गदर्शक पृथ्वीराज माने यांनी सांगून पोलिसी धाक दाखवून अवैध व्यवसाय, गुन्हेगारी कमी करता येते. तरीही जिल्हा पोलिस अधिक्षक यांनी ऑपरेशन परिवर्तनाच्या माध्यमातून अवैध व्यवसाय करणाऱ्या कुंटूबाचे मनपरिवर्तन करुन त्यांना चांगल्या मार्गावर आणले पर्यायी व्यवसाय करण्यासाठी प्रोत्साहन दिले त्यांचा हा पॅटर्न राज्याला दिशादर्शक असल्याचे माने म्हणाले तर पुढील वर्षी महिला खेळाडूंना प्रोत्साहन देण्यासाठी महिला क्रिकेट मॅच भरवा असेही आवाहन केले.
यावेळी सभापती रजनी भडकुंबे, गटविकास अधिकारी प्रशांत देशमुख बाल विकास प्रकल्प़ अधिकारी समाधान नागणे यांनीही मनोगत व्यक्त़ केले
आभार सरपंच विष्णू भोसले यांनी मानले. कार्यक्रमास उत्त़र सोलापूर तालुक्यातील सर्व 29 पोलिस पाटील सह कार्यकर्ते, नागरीक, युवा मंच तालुका, ग्रामशाखा पदाधिकारी, मोठया संख्येने उपस्थित होते. प्रारंभी पृथ्वीराज माने युवा मंचचे अध्यक्ष सुनील जाधव यांच्या वाढदिवसानिमित्त़ आयोजित उत्तऱ सोलापूर तालुका प्रिमियर लिग – 2021 क्रिकेट स्पर्धेचा शुभारंभ पृथ्वीराज माने व तेजस्वी सातपुते यांचे हस्ते संपन्ऩ झाला. आयपीएल धर्तीवर आयोजित केलेल्या या क्रिकेट स्पर्धेत 12 संघानी सहभाग घेतला आहे.
